تایبەت بە یاریگا؛ هەولێر لە گواستنەوەی هێرشبەرێکی ئوردنی نزیکە

یاریگا –

هەولێر لە گواستنەوەی موهەنەد ئەبو تەها هێرشبەری ئوردنی یانەی وەحداتی ئوردنی نزیکە.

تۆڕی وەرزشی یاریگا زانیویەتی، یانەی هەولیر هەوڵ دەدات موهەنەد ئەبو تەها هێرشبەری ئوردنی یانەی وەحداتی ئوردنی بگوازێتەوە ریزەکانی کە ئەو هێرشبەرە 21 ساڵانە بانگهێشتی هەڵبژاردەی ئوردنیش کراوە و ساڵی رابردوو بۆیەکەمجار بانگهێشت کرا و دوو یاریی نێودەوڵەتی بە درێسی هەڵبژاردەکەی کردووە.

بەگوێرەی زانیارییەکانی تۆڕی وەرزشی یاریگا، یانەکەی قەڵاومنارە لەگەڵ ئەو یاریزانە ئوردنییە دەستی بە گفتوگۆ کردووە، بۆ ئەوەی بیگوازێتەوە ریزەکانی، کە بەگوێرەی پێگەی ترنسفێر مارکێت ئەو یاریزانە ئوردنییە لە بۆرسەی یاریزانان نرخەکەی 300 هەزار دۆلارە.