تەواو؛ سێرجی رۆبێرتۆ دەچێتە سێریا ئەی
یاریگا –
سێرجی رۆبێرتۆ پەیوەندی بە یانەی کۆمۆی ئیتالی دەکات.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، سێرجی رۆبێرتۆی ئەستێرەی پێشووی بارسێلۆنا لەگەڵ یانەی کۆمۆ گەیشتووەتە رێککەوتنی کۆتایی و پەیوەندی بە تیپەکەی فابریگاس دەکات.
هەر بەگوێرەی زانیارییەکانی رۆمانۆ، گرێبەستی بەرگریکارە ئیسپانییەکە لەگەڵ کۆمۆ بۆ دوو وەرز دەبێت لەگەڵ بژاردەی نوێکردنەوەی گرێبەستەکە بۆ وەرزێکی دیکەش.
🚨🔵 Sergi Roberto to Como, here we go! Deal in place for former Barça player to join Serie A side with Cesc Fabregas.
Two year contract plus option for further season.
🇦🇷 Nico Páz from Real Madrid.
🇦🇷 Máximo Perrone from Man City.
🇪🇸 Sergi Roberto as free agent.Done deals 🤝🏻 pic.twitter.com/M5VXiXaChl
— Fabrizio Romano (@FabrizioRomano) August 22, 2024
لە 11ـی ئابی ئەمساڵ دوای کۆتایی هاتنی گرێبەستەکەی لەگەڵ یانە کاتالۆنییەکە رۆبێرتۆ بەفەرمی جێهێشتنی بارسێلۆنای راگەیاند.
رۆبێرتۆ لە ئەکادیمیای بارسا پێگەیشتووە، لە ساڵی 2006ـەوە کوڕی یانەکەیە و یاریی بۆ سەرجەم تیپە ئاست جیاوازەکان و تیپی یەکەمیش کردووە.
بەدرێسی تیپی یەکەم لە سەرجەم پاڵەوانێتییەکاندا بەشداری 479 یاریی کردووە، 26 گۆڵی کردووە و 46 گۆڵیشی دروستکردووە.
دوو نازناوی چامپیۆنزلیگ، حەوت نازناوی لالیگا، نازناوێکی جامی جیهانی یانەکان، نازناوێکی جامی سوپەری ئەوروپا، شەش نازناوی جامی شای ئیسپانیا و پێنج نازناوی جامی سوپەری ئیسپانیای لەگەڵ بارسێلۆنا بەدەستهێناوە.
