یاریگا –
مارسێلۆ گایاردۆ نزیکە لە گەڕانەوەی بۆ ریڤەرپلەیت دوای ئەزموونە بێ ئەنجامەکەی لەگەڵ ئیتیحاد.
راهێنەرە ئەرجەنتینیەکە کە مانگی نۆڤێمبەری 2023 پۆستەکەی لە ئیتیحاد پێسپێردرا، بە گرێبەستێکی ساڵ و نیوی روویکردە ئەو یانە سعودیە، بەڵام دوای کەمتر لە هەشت مانگ دوورخرایەوە.
دیارترین هۆکارەکانی دوورخستنەوەی گایاردۆ لەم راپۆرتەدا بخوێنەوە:
ئێستا بە گوێرەی زانیارییەکانی فابریزۆ رۆمانۆ، مارسێلۆ نزیکە لە واژۆکردنی گرێبەستێک لەگەڵ یانەی ریڤەرپلەیت تا زستانی 2026.
راهێنەرە 48 ساڵانەکە مێژووییەکی گەورەی هەیە لای هاندەرانی ریڤەر چ وەک یاریزان چ وەک راهێنەر. ئەو بۆ ماوەی 2014-2022 وەک راهێنەر لەگەڵیاندا مایەوە و هەر لەوێش بوو توانی نازناوگەلێکی جۆراوجۆر بباتەوە کە دیارترینیان دوو جار جامی کۆپا لیبەرتادۆرێس بوو لە ساڵەکانی 2015 و 2018.
