ئینزۆ فێرناندێز داوای لێبوردنی کرد و گەڕایەوە مەشقەکانی چێڵسی
ئەمڕۆ ئینزۆ فێرناندێز پەیوەندی بە چێڵسییەوە کرد و لە یەکەم کاریدا داوای لێبوردنی لە هاوتیمەکانی کرد.
ئینزۆ تۆمەتباربوو بە رەگەزپەرستی دژی یاریزانە ئەفریقییەکانی ئەورووپا و بە تایبەت یاریزانە فەڕەنسییەکان ئەمەش لە میانەی ئاهەنگگێڕانی ئەرژەنتین بۆ بردنەوەی کۆپا ئەمێریکا.
رەفتارەکەی ئینزۆ بووە هۆی ئەوەی بەشێک لە یاریزانانی بلوز توڕەبن لەو یاریزانە و کار گەیشتە ئەوەی لە تۆڕە کۆمەڵایەتییەکان وەڵامی بدەنەوە. بەڵام ئەمڕۆ ئەو یاریزانە پاش گەڕانەوەی، سەرەتا لەگەڵ مارێسکای راهێنەری تازە قسەی کردووە و دواتریش داوای لێبوردنی کردووە.
بەگوێرەی سکای سپۆرت هەریەک لە ریس جەیمس و ئاکسێل دیساسی رۆڵی گرنگیان گێڕاوە لە ئاشتکردنەوەی ئینزۆ لەگەڵ هاوتیمەکانی.
هەروەها فابریزیۆ رۆمانۆ دەڵێت، یاریزانە ئەرژەنتینییەکە بڕیاریداوە بڕە پارەیەکی زۆر ببەخشێتە رێکخراوەکانی دژی رەگەزپەرستی.
فێرناندێز گرانترین یاریزانی مێژووی چێڵسییە و هەروەها پریمەرلیگە بە 121 ملیۆن یۆرۆ.
