گەورەیەکی ئینگلتەرا چاوی لە گەڕاندنەوەی سانێیە بۆ پرێمەرلیگ
یاریگا –
یانەیەکی ئینگلتەرا چاوی لە گواستنەوەی لێرۆی سانێ یاریزانی بایرن میونشنە بۆ پرێمەرلیگ.
ئەستێرە ئەڵمانییەکە دوای یەکەم کاروانی پیشەگەرێتی لەگەڵ شاڵکە، دواتر لە 2016 گواسترایەوە مانچێستەر سیتی و بۆ ماوەی چوار وەرز لەوێ بەردەوام بوو. هەر لەگەڵ سیتیش بوو یەکەم کاری پێکەوەییان وەک یاریزان و یاریردەری راهێنەر لەگەڵ میکێل ئارتێتا.
بەگوێرەی زانیارییەک کە فلۆریان پلێتنبێرگی رۆژنامەنووسی سکای سپۆرتس، ئارسیناڵ چاودێری دۆخی سانێ دەکات کە لە سەروبەندی نوێکردنەوەی گرێبەستەکەیەتی لەگەڵ باڤارییەکان. ئەو رۆژنامەنووسە ئەوەیشی زانیوە کە خودی ئارتێتا لەگەڵ ئەو یاریزانە پەیوەندییەکی نایابی هەیە.
🚨🆕 The tendency is that Leroy #Sané will not leave FC Bayern in the summer!
Sané is fully focused on Bayern and on a possible contract extension beyond 2025. But an extension is not in the final stages yet.
⚠️ Therefore, Arsenal is closely monitoring Sané's situation. He’s… pic.twitter.com/MuYaGhFbwe
— Florian Plettenberg (@Plettigoal) July 29, 2024
فلۆریان لە بەشێکی هەواڵەکەیدا کە دڵخوازی هاندەرانی گەنەرز نییە، باس لەوە دەکات سانێ نیازی لە جێهێشتنی بایرن نییە لەم هاوینە. بەڵکو لەگەڵ یانەکەی نیازی نوێکردنەوەی گرێبەستی نێوانیان هەیە تا دوای 2025.
سەرسامبوونی ئارتێتا بە سانێ لە خۆڕ نییە، وەرزی رابردوو یاریزانە 28 ساڵانەکە لەگەڵ بایرن بەشداری لە 27 یاری بۆندزلیگادا توانی 8 گۆڵ و 11 ئەسیست بکات.
