یانەی کۆمۆی ئیتاڵی پشکنینی پزیشکی بۆ عەلی جاسم دەکات
یاریگا –
ئێستا عەلی جاسم لە فڕانسا پشکنینی پزیشکی بۆ دەکرێت بۆ ئەوەی گرێبەستەکەی لەگەڵ یانەی کۆمۆی ئیتاڵی واژۆ بکات.
فابریزیۆ رۆمانۆ رۆژنامەنووسی ئیتاڵی ئاشکرایکردووە، ئێستا عەلی جاسم یاریزانی لاوی عێراقی لە فەڕەنسا پشکنینی پزیشکی بۆ دەکرێت بۆ ئەوەی گرێبەستەکەی لەگەڵ یانەی کۆمۆی ئیتاڵی واژۆ بکات.
🔵🇮🇶 Iraq born talent Ali Jassim’s currently undergoing medical tests as new Como player in France.
Contract signing expected soon as deal has been agreed with Al-Kahrabaa. ⤵️ https://t.co/p5UXhTpMvY
— Fabrizio Romano (@FabrizioRomano) July 23, 2024
رۆژنامەنووسە ئیتاڵییەکە راشیگەیاندووە، چاوەڕێ دەکرێت لە چەند کاتژمێری داهاتوو گرێبەستی عەلی جاسم لەلایەن یانە ئیتاڵییەکە رابگەیەنرێت و بەفەرمی گواستنەوەی هێرشبەرە لاوەکەی یانەی کارەبا رابگەیەنێت.
پێشتر تۆڕی وەرزشی رایگەیاندبوو، عەلی جاسم بۆ ماوەی سێ ساڵ پەیوەندی بە ریزەکانی یانەی کۆمۆی ئیتاڵی دەکات و لەسەر داوای خیسوس کاساس راهێنەری هەڵبژاردەی عێراق ناوی یاریزانە لاوەکە لە لیستی تیپی یەکەمی یانەکە تۆمار دەکرێت، یانەی کارەبای عێراقی لە بەرامبەر دەستبەرداربوونی لە عەلی جاسم 300 هەزار دۆلار وەردەگرێت.
تۆڕی وەرزشی یاریگا ئاشکراشیکردبوو، عەلی جاسم 400 هەزار دۆلار لە یانە ئیتاڵییەکە وەردەگرێت و بەکۆی گشتی نرخی گرێبەستەکەی عەلی جاسم 700 هەزار دۆلار دەبێت، هێرشبەرە لاوەکەی قوە جەوییە لەگەڵ تیپی یەکەم دەست بە مەشق و راهێنان دەکات.
