یاریگا –
ئالبێرتۆ مۆرینۆی، یاریزانی پێشووی یانەکانی لیڤەرپوول، سێڤییا و ڤیاریال، گرێبەستێکی لەگەڵ کۆمۆی ئیتاڵی واژۆکرد.
کۆمۆ لە بەیاننامەیەکدا بڵاویکردووەتەوە، مۆرینۆی ئیسپانی بە گرێبەستێکی ئازاد لە ڤیاریالەوە پەیوەندی بە یانەکە کردووە و تا هاوینی 2025 گرێبەستی واژۆ کردووە.
Como 1907 is pleased to announce the signing of Alberto Moreno until June 2025 with automatic renewal for another season if certain conditions are met.
Read the official statement ➡️ https://t.co/uXDT3WYtqp pic.twitter.com/xck9kTqUqL
— Como1907 (@Como_1907) July 19, 2024
سێسک فابرێگاس، راهێنەری کۆمۆ لەبارەی پەیوەندیکردنی مۆرینۆ دەڵێت؛
ئالبێرتۆ بەرگریکارێکی خێرا، چالاک و بەهرەمەندە، لە رووی تەکنیکییەوە و ئەزموونێکی گەورەی هەیە. لە زۆر پاڵەوانێتی گەورە یاریی کردووە و بێگومان سودی بۆمان دەبێت، بە خۆشاڵییەوە پێشوازی لێ دەکەین.
ئالبێرتۆ لەبارەی پەیوەندیکردن بە کۆمۆ دەڵێت؛
زۆر دڵخۆشم کە ئەزمونێکی نوێ لە ژیانی وەرزشیم تاقیدەکەمەوە و لە خولێکی نوێ یاریی دەکەم، دەبێت مامەڵە لەگەڵ تیپێکی نوێ و زمانێکی نوێدا بکەم. لەگەڵ فابریگاس قسەم کرد و یەکەم کەس بوو نیشانیدا یانەکە چەندە منی دەوێت، بۆیە خێرا هەستێکی تایبەتم لەلا دروستبوو. خولی ئیتاڵیا یەکێکە لە باشترین خولەکانی جیهان، یاریزانی نایاب و تیپەکانی خاوەن مێژوویەکی گەورەن. دەبێت هەوڵبدەین لە هەموو یارییەکدا باشترین ئاست پێشکەش بکەین.
کۆمۆ وەرزی رابردوو نازناوی سێریا بی بەدەستهێنا و وەرزی داهاتوو بەشداری سێریا ئەی دەکات.
ئالبێرتۆ 377 یاری بۆ لیڤەرپوول، سێڤییا و ڤیاریال کردووە، 21 گۆڵی کردووە و 26 گۆڵی دروستکردووە. نازناوێکی چامپیۆنزلیگ و دوو نازناوی یۆرۆپالیگی بەدەستهێناوە.
