یاریگا –
لامین یامال لە تەمەنی حەوت ساڵی پەیوەندی بە بارسێلۆنا کرد.
یامال لە یەکەم تاقیکردنەوەیدا لەگەڵ تیمی هونەری بارسا، سەرنجی هەمووانی راکێشا و بووە دەستپێکی کاروانە وەرزشییەکەی.
یامال لە 29ی ئەپریل/نیسانی ساڵی رابردوودا، لە تەمەنی 15 ساڵ و 9 مانگ و 16 رۆژ، یەکەم یاری فەرمی لەگەڵ تیمی یەکەمی بارسێلۆنا بەرامبەر ریال بێتیس لە لالیگا کرد. یامال بووە بچووکترین یاریزان لە مێژووی بارسێلۆنا.
کاتێک بووە 16 ساڵ، بارسێلۆنا یەکەم گرێبەستی پیشەیی لەگەڵ ئەستێرە ئیسپانییەکە واژۆ کرد. گرێبەستەکە لە 2ی ئۆکتۆبەر/تشرینی یەکەمی ساڵی 2023 واژۆکرا. هەریەکە لە خوان لاپۆرتا، سەرۆکی بارسێلۆنا و رفا یوستێ، جێگری سەرۆک یانە و دێکۆ دی سۆزا، بەڕێوەبەری وەرزشی یانەکە ئامادەی رێوڕەسمی واژۆکردنی گرێبەستەکە بوون.
❝It’s an honor.❞
— Lamine Yamal on his new deal with Barça pic.twitter.com/bm3eFfimnx
— FC Barcelona (@FCBarcelona) October 2, 2023
گرێبەستی یامال لە 30ی یۆنیۆ/حوزەیرانی ساڵی 2026 لەگەڵ بارسێلۆنا بەسەردەچێت و مەرجی هەڵوەشاندنەوەی گرێبەستەکەی دەگاتە یەک ملیار یۆرۆ.
یانە کاتالونییەکە لە ئێستاوە هەوڵەکانی بۆ نوێکردنەوەی درێژمەودای گرێبەستی یامالی دەستپێکردووە.
