ئارتێتا باس لە بازاڕی گواستنەوەی هاوینە دەکات

یاریگا –

میکێل ئارتێتا لە وەڵامی پرسیارەکان سەبارەت بە پلانەکانی ئارسیناڵ لە بازاڕی گواستنەوەی هاوینە، خۆی بەدوورگرت لە وەڵامی ڕوون و درکاندنی ئامانجەکانیان.

لە دوایین لێدوانیدا کە فابریزۆ رۆمانۆ بەشێکی بڵاوکردووەتەوە، بازاڕەکەی بە “هەستیار” وەسفکرد و وتی

هاوینێکی زۆر جیاوازە. هەمووشتێ خاوترە بە بەراورد بە پێشوو. بازاڕەکە و یاسا بەرکارەکان وایان لە یانەکان کردووە بەئاگاتربن.

لە درێژەی قسەکانیدا راهێنەی تۆپچیەکان، کە وەرزی رابردوو وەک رکابەرێکی سەرسەختی نازناوەکە پرێمەرلیگ دەرکەوتن، وتی

ئێستا ئەنجامدانی چالاکی لە بازاڕەکەدا هەستیارترە. ئێمەیش راهاتووین بەوە. بەڵام دەشمانەوێ کە پێشڤە بچین.

ئەوە تا ئێستا وەک بەهێزترین دەنگۆ لە پلانی گواستنەوەکانی ئارسناڵدا ناوی دەبرێ، رکاردۆ کالافیۆری ئیتاڵی و یانەی بۆڵۆنیای ئەو وڵاتەیە، بەڵام هێشتا هیچ شتێ بە فەرمی رانەگەیەندراوە.