جواو فێلیكس راستی قەیرانەكانی لەگەڵ راهێنەری پۆرتوگال روون دەكاتەوە
یاریگا –
جواو فێلیكس، ئەستێرەی هەڵبژاردەی پۆرتوگال راستی قەیرانەكانی لەگەڵ رۆبێرتۆ مارتینێز راهێنەری هەڵبژاردەكەی ئاشكرا دەكات.
وا بڕیارە ئەمڕۆ چوارشەممە كاتژمێر 22:00 بە كاتی كوردستان پۆرتوگال لە كۆتا یاری قۆناخی كۆمەڵەكان رووبەرووی جۆرجیا ببێتەوە.
لە دوو یاری رابردووی پۆرتوگال لە جامی نەتەوەكانی ئەوروپا بەرامبەر هەڵبژاردەكانی توركیا و چیك، جواو فێلیكس هیچ هەلێكی پێ نەدراوە.
João Félix en rueda de prensa sobre por qué abandonó el césped contra Turquía y luego volvió “Fui al baño… ¿Quieres que te diga lo que hice?”.
Se equivoca con esta actitud chulesca. Nunca hay justificación para ir de sobrado, menos en su estado de forma actual. pic.twitter.com/ekRYYix3Zx
— Pablo Burrueco (@pabloburru) June 25, 2024
لە كۆنگرەی رۆژنامەوانی پێش یارییەكەیان بەرامبەر جۆرجیا، جواو فێلیكس دەربارەی كێشەی لەگەڵ مارتینێز گوتی:
ئەو هەواڵانەم بینی، ئەوە روونە كە راست نییە و درۆیە، ئەگەر وابوایە لێرە نەدەبووم، ئەوە بێ رێزییە بەرامبەر بە من و راهێنەر و هەڵبژاردەی نیشتیمانی بە گشتی.
هەندێك جار پیشەگەری و خولیای من بۆ ئەم وەرزشە دەخرێتە ژێر پرسیارەوە، ئەوە تەنیا درۆیە.
من رێز لە بڕیارەكەی دەگرم، راهێنەر ئەو كەسەیە كە بڕیار دەدات، قسەمان كرد و ئەویش پێی گوتم كە متمانەی نێوانمان %100ە، منیش پێم گوت; كاتێك پێوویستی بە من بێت، من ئامادەم بۆ یارمەتیدانی هەڵبژاردەكەم.
هەڵبژاردەی پۆرتوگال بە یەكەمی كۆمەڵەی شەشەم خۆی گەیاندووەتە قۆناخی شازدەی جامی نەتەوەكانی ئەوروپا.
