یاریگا-
چاوەڕواندەکرێت لەم هاوینەدا پەیوەندی ئێمریک لاپۆرت و یانەی نەسڕی سعودی بگاتە دوا وێستگە و گرێبەستەکەی نێوانیان هەڵبوەشێنرێتەوە.
ئیدارەی نەسڕیش بۆ شوێنگرەوەی لاپۆرت چاوی لە چوار ئەستێرەی گەورەی ئەوروپایە، یەک لەوانە رودیگەری ئەڵمانیە، بە پێی دواین سەرچاوە ئەڵمانییەکان نەسڕ ئامادەیە 100 ملیۆن یۆرۆ بدات بۆ بەدەست هێنانی ئەستێرەکەی ریاڵ مەدرید.
ڤان دایک بژاردەی دووەمی نەسڕە، لە هەفتەکانی رابردووشدا بریکاری یاریزانە هۆڵەندییەکە لەگەڵ ئیدارەی نەسڕ کۆبویەوە.
دوو بژاردەی کۆتایش ناچۆی ئیسپانی و سێرخیۆ رامۆسە، ناچۆ گرێبەستەکەی لەگەڵ ریاڵ مەدرید کۆتایی هات و یانەکە بەجێدەهێڵێت، سێڤییاش ئامادە نیە گرێبەستەکەی رامۆس نوێ بکاتەوە، هەربۆیە چاوەڕوان دەکرێت رامۆس پەیوەندی بە یانەیەکی سعودیەوە بکات.
