یاریگا –
میرۆسلاڤ کلۆزەی ئەفسانەی تۆپی پێی ئەڵمانی لە ئەرکێکی نوێدا لە کاری راهێنەرایەتی دەردەکەوێتەوە.
یەکەمین ئەزموونی کلۆزە لەسەر کورسی راهێنەرایەتی، وەک یاریدەر دەستیپێکرد لەگەڵ ئەڵمانیا لە 2016-2018. پاش ئەو ماوەیە تیمی خوار 17 ساڵانی بایر میونشنی سەرپەرشتی دەکرد. دواتر و لە ساڵی 2020 وەک یاریدەری تیمی یەکەمی بایرن لەپاڵ هانسی فلیکی راهێنەردا ماوەیەکی زێڕینی بەڕێکرد لە مێژووی یانە باڤارییەکەدا. کۆتا جاریش لەگەڵ یانە ئەزموونەکەی تاقیکردبێتەوە، هاوینی 2022 کاتێک ئەرکی رێندۆرف ئالتاشی نەمسایی وەرگرت بەڵام دوای تەنها 9 مانگ لێک جوودابوونەوە.
ئەم ئەرکە نوێیەیشی لەگەڵ نۆرمبێرگی وڵاتەکەیەتی کە ئێستا لە خولی پلەدووی ئەڵمانیان و دەجەنگن بۆ گەیشتن بە بۆندسلیگا کە ئەوەیش ئاڵنگاری یەکەمی کلۆزە دەبێت.
#MitMIRO gehen wir in die Zukunft! 🤝
Miro #Klose wird neuer Cheftrainer des #FCN. Herzlich willkommen beim Club! ✌
📺 Seine Vorstellung könnt ihr jetzt im Livestream verfolgen 👉 https://t.co/ePQvyHjW1J pic.twitter.com/p0XFzvmygR
— 1. FC Nürnberg (@1_fc_nuernberg) June 11, 2024
لای خۆیەوە بەڕێوبەری وەرزشی یانەکە رایگەیاند
من کلۆزە وەک راهێنەر و وەک یاریزانیش دەناسم. خۆشحاڵم ئێستا بتوانم پێشوازی لە پاڵەوانەکەی مۆندیالی 2014 بکەم.
میرۆسلاڤ یەکێکە لە رەمزە دایارەکانی مێژووی مانشافت و وەک یاریزان توانیویەتی 71 گۆڵ بۆ مەکینەکان تۆمار بکات کە ریکۆردی ئاستی نێودەوڵەتی ئەڵمانییەکانە. ئەوە و هەروەها ریکۆردی گۆڵکاری مێژووی مۆندیالەکانە بە 16 گۆڵ.
