راهێنەری داهاتووی چێڵسی ئامانجەکانی بازاڕی گواستنەوەکان دەستنیشان دەکات
لە ئێستاوە چێڵسی کار لەسەر داواکارییەکانی مارێسکا دەکات
یاریگا –
ئێنزۆ مارێسکا چەند هەنگاوێک لە وەرگرتنی پۆستی راهێنەرایەتی چێڵسی دوورە، بەڵام لە ئێستاوە میدیاکان باس لە پلانی گواستنەوەی یاریزانانی راهێنەرەکە دەکەن.
رۆژنامەی دەیلی تێلێگراف بڵاویکردووەتەوە، چێڵسی لە چەند رۆژی داهاتوودا بڕی 10 ملیۆن پاوەند بە لێستەر سیتی دەدات و بە فەرمی دەبێتە راهێنەری بلووز، جیا لەمەش پێنج لە ئەندامانی دەستەی راهێنەرایەتی لەگەڵ خۆی دەگوازێتەوە.
هەرچەندە مارێسکا پشووی هاوینەی دەستپێکردووە، بەڵام لە ماوەی رابردوودا قسەی لەگەڵ پۆڵ وینستانلی و لۆرێنس ستێوارت، بەڕێوەبەرانی وەرزشی چێڵسی کردووە، تەواوی ئامانجەکان دەستنیشانکراون. مارێسکا داوای گواستنەوەی گۆڵپارێزێک، بەرگریکاری باڵی چەپ و هێرشبەرێک کردووە.
Enzo Maresca is the latest Pep Guardiola disciple to take a top job in the Premier League
✍️ @JPercyTelegraph#TelegraphFootball | #ChelseaFC
— Telegraph Football (@TeleFootball) May 28, 2024
راهێنەرە ئیسپانییەکە دەیەوێت کێشەی گۆڵپارێزی بە تەواوی چارەسەر بکات، ئەمەش بەهۆی ناجێگیری ئاستی دۆردێ پێترۆڤیچ و رۆبێرت سانچێز. جیا لەمەش دەیەوێت جێگرەوەیەکی باش بۆ بێن چیلوێڵ بگوازێتەوە، چونکە پێکانی یاریزانە ئینگلیزییەکە زۆرن.
کاروانی راهێنەرایەتی مارێسکا لە بەشی بەرەوپێشبردنی پێکهاتە لە مانچێستەر سیتی دەستیپێکرد، پاشان چووە پارما لە وەرزی 2022-2023 گەڕایەوە مان سیتی و بووە یاریدەدەری پێپ گواردیۆلا.
