یاریگا –
ئانتۆنی مارسیال، هێرشبەری فەڕەنسی یانەی مانچێستەر یونایتدی ئینگلیزی رۆیشتنی خۆی لە یانەكەی راگەیاند.
گرێبەستەكەی مارسیال لەگەڵ شەیتانە سوورەكان لە هاوینی ئەمساڵدا بەسەردەچێت و بە خۆڕایی ریزەكانی یانەكەی جێدەهێڵێت.
هێرشبەرە فەڕەنسیەكە لە هاوینی ساڵی 2015 لە ریزەكانی مۆناكۆوە بە بەهای 60 ملیۆن یۆرۆ پەیوەندی بە مانچێستەر یونایتدەوە كرد، لەو ماوەیەدا یانەكە جارێك بە خواستن و بۆ ماوەی وەرزێك بە سێڤییای داوە.
View this post on Instagram
مارسیال لە هەژماری تایبەتی خۆی لە ئینستاگرام پەیامێكی بڵاوكردەوە و تێیدا رایگەیاند:
هاندەرانی خۆشەویستی مانچێستەر یونایتد، بە سۆزێكی زۆرەوە بۆتان دەنوسم ماڵئاوا، لە دوای نۆ ساڵی نایاب لە یانەكە، كاتی ئەوەیە پەڕەیەكی نوێ لە كاروانی وەرزشیمدا هەڵبدەمەوە، مانچێستەر یونایتد و هاندەرانی ئەو یانەیە، بۆ هەمیشە لە دڵمدا دەمێننەوە.
مارسیال لەگەڵ مان یوو بەشداری لە 317 یاریدا كردووە و توانیویەتی 90 گۆڵ بكات و 47 گۆڵیش درووست بكات و پێنج نازناو لەگەل یانەكە بباتەوە
