یاریگا –
یانەی ریال مەدریدی ئیسپانی دەیەوێت گرێبەستی ناچۆ فێرناندێز كاپتن و ئەستێرەی یانەكەی نوێ بكاتەوە.
گرێبەستەكەی ناچۆ لەگەڵ ریال مەدرید لە هاوینی ئەمساڵدا بەسەردەچێت.
یانە شاهانەكە دەیەوێت بۆ وەرزی نوێ ریزەكانی یانەكەی بە واژۆكردنی چەند گرێبەستێكی نوێ و نوێكردنەوەی گرێبەستی یاریزانە سەرەكییەكانی زیاتر بەهێز بكات.
🚨💣 BREAKING: Nacho is STAYING. He has changed his mind. @RadioMARCA pic.twitter.com/lRpgA6WXLq
— Madrid Zone (@theMadridZone) May 22, 2024
بەپێی زانیارییەكانی ماركا، ریال مەدرید لەگەڵ ناچۆ گەیشتە رێككەوتن بەمەبەستی نوێكردنەوەی گرێبەستەكەی بۆ ماوەی وەرزێكی دیكە و تا ساڵی 2025.
ئاماژە بەوەشكراوە، ناچۆ بیرۆكەی رۆیشتنی لە ریال مەدرید گۆڕیوە و دەیەوێت گرێبەستەكەی لەگەڵ یانەكەی نوێ بكاتەوە.
كارلۆ ئانچێلۆتی راهێنەری ئیتاڵی یانە ئیسپانیەكە بە نوێكردنەوەی گرێبەستەكەی ناچۆ بەرگریكار و كاپتنی یانەكەی دڵخۆشە و دەیەوێت بۆ وەرزێكی دیكەش لەگەڵیان بەردەوام بێت.
لەم وەرزەی لالیگادا ناچۆ بەشداری لە 28 یاریدا كردووە و توانیویەتی گۆڵێك درووست بكات.
