گەڕانەوەی کۆمۆ بۆ سێریا ئەی؛ ئەو شۆڕشەی هێنری و فابرێگاس بە سپۆنسەری بازرگانێکی جگەرە کردیان
یاریگا –
یانەی کۆمۆی ئیتاڵی دوای 22 ساڵ جارێکی دیکە گەڕایەوە سێریا ئەی، کە ئەو یانەیە یەکێکە لە یانە دێرینەکانی ئیتاڵیا و لەلایەن گروپێکی ئیندۆنیزی خاوەندارییەتی دەکرێت و فابریگاس و هێنری خاوەنی بەشێک لە پشکەکانی یانەکەن.
یانەی کۆمۆ ساڵی 1907 دامەزراوە، لەوەتەی وەرزی 2002-2003 لە سێریا ئەی دوورکەوتووەتەوە، ساڵی 2016 ئەم یانەیە مایەپووچبوو، هاوژینی مایکل ئیسیان دەیویست ئەم یانەیە بکڕێتەوە، بەڵام بەهۆی لێکەوتە داراییەکانی مایەپووچبوونی یانەکە شکستیهێنا.
فراتێلی هارتۆنۆ سەرمایەدارێکی ئیندۆنیزییە و خاوەنی گروپێکی کۆمپانیای ئیتاڵییە و بازرگانی جگەرە دەکات، ساڵی 2019 پشکەکانی یانەی کۆمۆی بەرامبەر 850 هەزار یۆرۆ کڕییەوە و 150 هەزار یۆرۆ قەرزەکانی یانەکەشی دایەوە، لەوکاتەوە یانەکە پێی نایە قۆناخێکی نوێ.
To all the fans at the Stadium, watching at the bars and at home, from Los Angeles to Melbourne, the club would like to extend a heartfelt thank not only for the immense support provided leading up to this event but also for the dedication and commitment that helped push the team… pic.twitter.com/lvJ7peztx7
— Como1907 (@Como_1907) May 11, 2024
گرێبەستی سیسک فابریگاس ناوەڕاستکاری پێشووی ئارسێناڵ و بارسێلۆنا یەکەم هەنگاوی کۆمۆ بوو بۆ ئەوەی سەرنجی ئەوروپا رابکێشێت، فابریگاس دوای ئەوەی ساڵی رابردوو بەیەکجاریی وازی لە یاریکردن هێنا بووە راهێنەری تیپی لاوانی یانەکە، دواتریش ئەرکی راهێنەرایەتی یانەکەی گرتە دەست، بەڵام بەهۆی ئەوەی بڕوانامەی دانپێدانراوی راهێنەرایەتی نەبوو، ئۆسیان رۆبێرتس وەکو راهێنەری یانەکە ناوی دەهێنرێت.
سیسک فابریگاس و تێری هێنری خاوەنی بەشێک لە پشکەکانی یانەکەن، واتە لە خاوەندارییەتی یانەی کۆمۆ هاوبەشی فراتێلی هارتۆنۆ دەکەن، ئەم دوو ئەستێرەیەی پێشووی ئارسێناڵ و بارسێلۆنا کاریگەریی تەواویان لەسەر ناوبانگی یانەکە هەیە.
فابریگاس کە خاوەنی بەشێک لە پشکەکانی یانەکەیە و راهێنەری راستەقینەی یانەکەشە، توانی ئالنگارییەکی گەورە بباتەوە و یانەکەی گەیاندەوە سێریا ئەی، بەڵام فابریگاس بەوەندە رازی نییە و چەند جارێک گوتویەتی پڕۆژەیەکی درێژخایەن و گەورەیان بۆ یانەی کۆمۆ هەیە.
L'attes🅰️ di Cesc Fabregas e l'esplosione di gioia: il Como è tornato in @SerieA ⚪️🔵#SerieBKT 🔜 #SerieA pic.twitter.com/hoSCIKUmbg
— Lega B (@Lega_B) May 10, 2024
دوێنێ هەینی لە یاریگای کۆمۆ کە یاریگاکە تەنیا شوێنی 13 هەزرا هاندەر دەگرێت و کەوتووەتە ناوچەیەکی گەشتیاری، جیانلوکا زامبرۆتا و جەیمی ڤاردی و چەندان یاریزان و کەسایەتی بەناوبانگ لە دوایین یاریی کۆمۆ ئامادەبوون، کە سەرکەوتنی بۆ ریزی یانە پلە یەکەکانی ئیتاڵیا مسۆگەر کردووە.
Today, for the last home game of the regular season, Thierry Henry, football legend, now pundit and shareholder of Como 1907 is present to watch the Como – Cosenza game. pic.twitter.com/RTpJTd9ZU0
— Como1907 (@Como_1907) May 10, 2024
تێری هێنری کە پێشتر رایگەیاندووە، بەهۆی زامبرۆتاوە بیرۆکەی کڕینەوەی بەشێک لە پشکەکانی یانەی کۆمۆی بۆ هاتووە، ئێستا لە هەمان کاتدا راهێنەری هەڵبژاردەی ئۆڵێمپی فڕەنسایە و لە کەناڵی CBS SPORTSـی ئەمریکی شرۆڤەکاری یارییەکانی چامپیۆنزلیگە.
