یاریگا –
جارێکیتر و بە کەمتر دوای کەمتر لە 24 کاتژمێر جود بێڵینگهام دیسان وەک پاڵەوان ناوی هاتەوە بەر باس لە دوای گۆڵە کوشندەکەی لە تۆڕی گۆڵی بارسێلۆنا لە کلاسیکۆی شەوی رابردوو. ئەم جارەیان بە بردنەوەی خەڵاتێکی گەورە خۆی دەرخستەوە.
ئەمشەو پێگەی فەرمی خەڵاتی لۆریۆس ئاهەنگی دابەشکردنی خەڵاتەکانی بڵاو کردەوە و بێڵینگهام لە ڕیزی مەزنەکان ناوی هات.
خەڵاتەکە لەوەتەی ساڵی 1999 دامەزراوە بە مەبەستی گەیاندنی “چاکە” لە ڕێگەی کاریگەرییەکانی وەرزشەوە. ساڵانە دەدرێت بە باشترین تاک وەرزشوان و تیمە کاریگەرەکان.
لۆریۆس لە دابەشکردنی خەڵاتەکانیدا زیاد لە وەرزشێک بەسەردەکاتەوە. بۆ ئەم ساڵ نۆڤاک جۆکۆڤیچی سڕبی وەک باشترینی وەرزشوانی ساڵ هەڵبژارد کە توانی پێش دیارترین رکابەرە قورسەکانی وەک لیۆنێل مێسی و ئێرلینگ هالاند بکەوێت. هەروەها پێنجەم جاری بێت خەڵاتەکە لە بەرژەوەندی خۆی یەکلایی بکاتەوە.
🏆 Novak Djokovic is the 2024 Laureus World Sportsman of the Year.
Last year, he won titles at the Australian Open, French Open and US Open to reach a stunning career tally of 24 Grand Slam singles triumphs.
#Laureus24 pic.twitter.com/9JUOnybShC— Laureus (@LaureusSport) April 22, 2024
سڕبیە ناوازەکەی تێنس ساڵی رابردوو توانیبووی پاڵەوانێتی ئوسترالیای کراوە، فەرەنسای کراوە و ئەمریکای کراوە بباتەوە و بگات بە 24 نازناوی گراندسلامی تاکەکەسیی.
بۆ باشترین لاوی هەڵکەوتوو، بیڵینگهمامی ئینگلیزی و ئەستێرەی 20 ساڵانی ریاڵ مەدرید خەڵاتەکەی بردەوە.
🏆 Jude Bellingham wins the 2024 Laureus World Breakthrough of the Year Award. #Laureus24
**
🏆 Jude Bellingham es el ganador del premio Laureus revelación del año 2024. #Laureus24 pic.twitter.com/VYOkY6Je2c
— Laureus (@LaureusSport) April 22, 2024
مەراسیمەکە کە لە مەدریدی پایتەخت بەڕێوە چوو، تێیدا چەندین ئەفسانەی وەرزشی وەک ئارسن ڤینگەر، رۆبێرتۆ کارلۆس، یوسەین بۆڵت و دیل پیرۆ، راول گۆنزالێس و کافو…هتد بەشدار بوون.
هەر لەو بۆنەیەدا تیمی تۆپی پێی خانمانی ئیسپانیا خەڵاتی باشترین تیمیان پێ درا.
ئەوە و هەروەها ئایتانا بۆنمەتی خەڵاتی لۆریۆسی وەک باشترین خانمە یاریزانی تۆپ پێ بردەوە وەک یەکەمین ئافرەت لە مێژووی مەراسیمەکەدا. ناوبراو توانیبووی لالیگا و چامپیۆنزلیگ لەگەڵ بارسێلۆنا و مۆندیالیش لەگەڵ ئیسپانیا بباتەوە.
🏆 Aitana Bonmati is the 2024 Laureus World Sportswoman of the Year.
The outstanding midfielder was instrumental in Spain's first @FIFAWWC victory and shone for @FCBfemeni during their impressive season. #Laureus24 pic.twitter.com/DoSxgEuZHU
— Laureus (@LaureusSport) April 22, 2024
پرۆگرامەکانی لۆریۆس خزمەت لە 160 پرۆژەی کۆمەڵگەیی دەکات لە 40 وڵاتی جیاوازدا کە ئامانج لێیان بۆ بەکارهێنانی هێزی وەرزشە بۆ کۆتایی هێنان بە توندوتیژی، جیاکاریی، ماف زەوتکردن و سەلماندنی ئەوەی کە وەرزش دەتوانێت جیهان بگۆڕێت. رۆجێر فیدەرەی سویسری ئەفسانەی تێنس بەپێنج جار بردنەوەی خەڵاتەکە وەک وەرزشوانی ساڵ، خاوەنی ریکۆردە بوو تا ئەمشەو جۆکۆڤیچ یەکسانی کردەوە لەگەڵیدا.
