یاریگا –
ریال مەدرید پارکێکی گەورەی بە ناوی ‘ریال مەدرید وۆڵڕد’ یاخود جیهانی ریال مەدرید لە شاری دوبەی، ئیماڕات کردەوە.
پارکەکە زیاتر لە 40 یاری جیاواز لەخۆدەگرێت و ناوی ریال مەدرید بەکاردەهێنێت.
حکومەتی دوبەی بەیاننامەیەکی فەرمی لە پلاتفۆڕمی ئێکس بڵاوکردەوە و تیایدا هاتووە
بەڕێوەبەرایەتی دوبەی پارکس ئاند ریزۆرتس لەگەڵ ریال مەدرید پڕۆژەیەکی هاوبەشیان کردووە و پارکێکی ئاسوودەیی بە ناوی ‘ریال مەدرید وۆرڵد’یان کردەوە. ئەمە یەکەم پارکی ئاسوودەیی ریال مەدریدە و چەندین یاری جیاوازی تۆپی پێی و تۆپی باسکە لەخۆدەگرێت.
لەبارەی مەرجەکان چوونە ژوورەوەی پارکەکە، بەڕێوەبەرایەتی پارکەکانی دوبەی دەڵێت
پارکەکە بۆ هەموو تەمەنێک کراوەیە و دەرفەتێکی زێڕینە بۆ ئەوەی زیاتر لەبارەی ئەستێرە دڵخوازەکانیان بزانن. لەوانە ژووری جلگۆڕینی ریال مەدرید دروستکردووە و ژوورێکی نهێنی دروستکراوە، تەواوی دەستکەوتی یانەی مەدریدی تێدایە.
دبي باركس آند ريزورتس ونادي ريال مدريد يعلنان عن افتتاح الوجهة الترفيهية “ريال مدريد ورلد”، أّول منتزه ترفيهي لريال مدريد يحتفي بالساحرة المستديرة وكرة السلة على طريقة النادي العريق، وسيحتضن المتنزه 40 تجربة ولعبة ترفيهية تحمل اسم ريال مدريد.https://t.co/16yDSmR5jv pic.twitter.com/oOkPWP4a7L
— Dubai Media Office (@DXBMediaOffice) April 9, 2024
سەردانیکەران دەتوانن لە فرۆشگای جیاوازەوە، بەرهەمەکانی تایبەت بە ریال مەدرید بکڕن و دەیان رێستورانت و کوشکی ساردەمەنی تێدایە کە زۆربەیان بە شێوازی ئیسپانی دروستکراون.
