یاریگا –
راپۆرتە رۆژنامەوانیەكانی ئیسپانیا ئاشكرایانكرد، یانەی بارسێلۆنای ئیسپانی بیر لە شوێنگرەیەك دەكاتەوە بۆ جێگای رۆبێرت لیڤاندۆڤسكی پۆڵەندی و هێرشبەری یانەكەی.
گرێبەستەكەی لیڤاندۆڤسكی لەگەڵ بارسێلۆنا لە هاوینی ساڵی 2026 بەسەردەچێت.
لیڤا لە گواستنەوەكانی هاوینی ساڵی 2022 بە بڕی 45 ملیۆن یۆرۆ لە بایرن میونشنەوە پەیوەندی بە بارسێلۆناوە كرد.
🚨| Barcelona know that Nico Williams will be excited to wear the Barcelona shirt, and the relationship with the player's environment has not disappeared despite the renewal of his contract. [@sport] #fcblive 🇪🇸 pic.twitter.com/utm9RhmLNr
— BarçaTimes (@BarcaTimes) April 7, 2024
بەپێی زانیارییەكانی رۆژنامەی سپۆرت بارسێلۆنا گرنگی بە گواستنەوەی نیكۆلاس ویلیامسی ئیسپانی و هێرشبەری یانەی ئاتلێتیك بلباو دەدات.
لە راپۆرتەكەشدا هاتووە، گرنگیپێدانی بارسێلۆنا بۆ ویلیامس نەگۆڕاوە، سەرەڕای نوێكردنەوەی گرێبەستەكەی لەگەڵ یانەكەی تا ساڵی 2027.
ئاماژە بەوەشكراوە، بڕی هەڵوەشاندنەوەی گرێبەستەكەی ویلیامس لەگەڵ بلباو 50 ملیۆن یۆرۆیە و یانە كەتەلۆنییەكە دەیەوێت دوای باشبوونی بارودۆخی دارایی ئۆفەرێك بۆ گواستنەوەی پێشكەش بكات.
ویلیامس لەگەڵ بلباو توانی نازناوی جامی شای ئیسپانیا بباتەوە.
