یاریگا هۆکاری وازهێنانی دەستەی ڕاهێنەرانی یانەی سەید سادق ئاشکرا دەکات
دوای وەرگرتنی ئەرکی ڕاهێنەرایەتی یانەی سەید سادق پێش کۆتایی هاتنی قۆناغی یەکەمی خولی نایابی کوردستان، کەمێک لە مەوبەر ئەرسەلان جەلال وازهێنانی خۆی ڕاگەیاند.
ئەرسەلان جەلال و ستافەکەی بە فەرمی دەستیان لە ئەرکی ڕاهێنەرایەتی یانەی سەید سادق کشاندەوە، تۆڕی وەرزشی یاریگا دەربارەی وازهێنانیان لە یانەکە پەیوەندی بە ئەرسەڵان جەلالی ڕاهێنەر کردوو ئەویش بەمشێوەیە هۆکارەکەی بۆ باس کردین : سەرۆکی یانەکە مووچەی پێنەداوین و دەڵێت دوای جەژن مووچەکەتان پێدەدەم کە ئەمەش هاوکاتە لەگەڵ دوایین یاری ئەم وەرزەی خولی نایابی کوردستان و 15ـی مانگ خولەکە کۆتایی دێت، هەستمان کردووە دەیەوێت ئێمە و یاریزانان ماف خوراو بکات بۆیە منیش قبوڵم نەکرد و دوای ڕاوێژ لەگەڵ ستافەکەم بڕیارماندا دەستلەکار بکێشینەوە و ئەم بارو دۆخە قبوڵ نەکەین.
یانەی سەید سادق لە ناوچەی دابەزینە بۆ خولی پلە یەکی کوردستان و 33 خاڵیان هەیە و لە پلەی یازدەم دێن، هەروەها یانەکە لە یاری پێش کۆتایی جامی هەرێمی کوردستانە کە بەرامبەر یانەی هەندرێن لە شاری هەولێر یاری دەکەن.
