یاریگا –
لیڤەرپوول ئامادەکاریی دەکات بۆ ژیانی دوای موحەمەد سەڵاح کە چاوەڕوان دەکرێت هاوین ئانفیڵد جێ بهێڵێت.
سعوودیەکان ماوەیەکە ڕاوی سەڵاح دەکەن و ئامادەن وەک یەکێک لە گواستنەوە گرانبەهاکان بیگوازنەوە بۆ خولەکەیان. ئەوە و هەروەها ڕۆیشتنی یۆرگن کڵۆپ لەم هاوینە، ئەگەرەکانی دەرچوونی ئەسفانە میسڕیەکەی بەهێزتر کردووە. هەر بۆیە کارگێڕی یانەکە، بە گوێرەی زانیاریی سەرچاوە ئەڵمانی و ئینگلیزیەکان، هێانی عومەر مەرموشی هاونیشتیمانی سەڵاح و یاریزانی ئینتراخت فرانکفۆرتیان لە لیستە کورتکراوەکانیاندا داناوە.
🚨 Liverpool are preparing for life without Mohamed Salah and will target one of his Egyptian team-mates, Frankfurt's Omar Marmoush, as a replacement.
(Source: @MailSport) pic.twitter.com/L1GAYapvDA
— Transfer News Live (@DeadlineDayLive) March 30, 2024
راپۆرتەکان لە ئەڵمانیاوە نرخی عومەریان ئاشکرا کردووە و بڵاویان کردووەتەوە کە فرانکفۆرت ئامادەیە گوێ لە دەستپێشخەرییەکان بگرێت بۆ هێرشبەرەکەیان کە ٥٠-٦٠ ملیۆن یۆرۆیان خستووەتە سەری.
ناوبراو کە ئێستا تەمەنی ٢٥ ساڵە، دەتوانێت لە هەردوو پێگەی هێرشبەری ناوەڕاست و ژمارە ١٠یش یاریی بکات و لەم وەرزە لەسەرجەم پاڵەوانێتیەکان بۆ یانەکەی، توانیویەتی ١٥ گۆڵ تۆمار بکات و شەش گۆڵیش دروست بکات.
