یاریگا –
بەشێوەیەكی فەرمی هەڵبژاردەی ئینگلتەرا رایگەیاند، سێ لە ئەستێرەكانی بەهۆی پێكانەوە كەمپی مەشق و راهێنانی هەڵبژاردەكەیان جێهێشتووە و دەگەڕێنەوە یانەكانیان.
لە یارییەكی دۆستانەدا هەڵبژاردەی ئینگلتەرا رووبەرووی هەڵبژاردەی بەڕازیل بوویەوە و یارییەكەش بەئەنجامی گۆڵێكی بێ وەڵام لە بەرژەوەندی كوڕانی سامبا كۆتایی هات.
.@kylewalker2, @samjohnstone and @HarryMaguire93 have returned to their respective clubs for assessment having sustained injuries in recent days.
Wishing you a speedy recovery, lads 👊 pic.twitter.com/ZrdCKOWsdk
— England (@England) March 24, 2024
هەژماری فەرمی ئینگلتەرا لە پلاتفۆرمی ئێكس لە بەیاننامەیەكی فەرمیدا رایگەیاند، هەریەك لە كایڵ وۆلكەر، هاری ماگوایەر و سام جۆنستن مەشق و راهێنانەكانی هەڵبژاردەكەیان جێهێشتووە.
لە بەیاننامەكەشدا هاتووە، ئەو سێ یاریزانە بەهۆی پێكانەوە كەمپی مەشق و راهێنانەكانیان جهێشتووە و دەگەڕێنەوە یانەكانیان بۆ درێژەدان وەرگرتنی چارەسەر.
چاوەڕوان دەكرێت سبەی سێشەممە لە یارییەكی دیكەی دۆستانەدا هەڵبژاردەی ئینگلتەرا رووبەرووی هەڵبژاردەی بەلجیكا ببێتەوە.
