یاریگا –
هێرنان كرێسپۆ، راهێنەری ئەرجەنتینی یانەی عەینی ئیماراتی دووپاتیكردەوە كە وەڵامی لێدوانەكانی كریستیانۆ رۆناڵدۆ ناداتەوە و بۆ بردنەوە دەچنە یاریگا.
وا بڕیارە ئەمڕۆ كاتژمێر 22:00 بە كاتی كوردستان نەسر لە یاریگای خۆیدا میوانداری عەین بكات، لە میانی یاری گەڕانەوەی قۆناخی چارەكی كۆتایی چامپیۆنزلیگی ئاسیا.
🎬 قائـد #النصر كرسيتيانو رونالدو 🎙️
" نحن مؤمنون أننا سننتصر غدًا و نتأهل لنصف نهائي دوري الأبطال، ريمونتادا إن شاء الله " pic.twitter.com/nuSFWFWxD1— نادي النصر السعودي (@AlNassrFC) March 10, 2024
لە كۆنگرەی رۆژنامەوانی پێش یارییەكەیان كریستیانۆ رۆناڵدۆ ئاشكرایكرد كە تیمەكەی لە توانایدا هەیە ریمۆنتادا بكات و خۆی بگەیەنێتە قۆناخی داهاتووی چامپیۆنزلیگی ئاسیا.
كرێسپۆ لە لێدوانەكانی پێش یاری گەڕانەوە بەرامبەر نەسر گوتی:
شانازی دەكەم كە عەین یەكێكە لە باشترین 8 یانەكانی ئاسیا، ئێمە رێز لە ركابەرەكەمان دەگرین و بۆ سەركەوتن و گەیشتن بە قۆناخی داهاتوو دەچینە یاریگا.
ئەفسانەی تۆپی پێی ئەرجەنتینی لە درێژەی قسەكانیدا گوتی:
رێز لە كریستیانۆ رۆناڵدۆ دەگرم، بەڵام هیچ وەڵامێكم بۆ لێدوانەكانی نیە.
یاری چوون لە یاریگای عەین یانەی خاوەن ماڵ بە گۆڵێكی بێ وەڵام لە نەسری میوانی بردەوە.
