ئەستێرەیەکی پێشووی پرێمەرلیگ وازی لە یاریکردن هێنا

یاریگا –

رۆبێرت سنۆدگراس، یاریزانی پێشووی سکۆتلاند و وێستهام وازی لە یاریکردن هێنا.

سنۆدگاری لە ماوەی 18 ساڵی رابردوودا، یاری بۆ یانەکانی لیڤینگستن، نۆرویچ سیتی، لیدز یونایتد، هەڵ سیتی، وێستهام، وێست بڕۆم و لوتن تاون کردووە.

سنۆدگراس نووسیویەتی

کوڕێکی گلاسکۆیی کە ماوەی 20 ساڵە لە خەونی منداڵیدا دەژیت، یاریم بۆ 10 یانەی گەورەی تۆپی پێ کردووە، پەیوەندی زۆر باشم لەگەڵ خەڵک و ستافی یانەکاندا هەیە. نوێنەرایەتی وڵاتی خۆم کردووە. لە ماوەی یاریکردنمدا، زیاتر لە 600 یاریم کردووە، زیاتر لە 100 گۆڵ و 100 ئەسیستیشم هەربووە. هەرگیز ئەم وێنانە لە هزرم ناچنە دەرەوە. زۆر بیری ئەم یارییە جوانە دەکەم، بەڵام ئێستا کاتی ئەوەیە، زانیارییەکانم بۆ نەوەی دوای خۆم بگوازمەوە.

After 20 years of playing professional football I have officially retired and decided to call it day and hang the boots up.

A little lad from the east end of Glasgow got to live his childhood dream for 20 years playing at 10 great clubs meeting amazing people and building… pic.twitter.com/lM7Xu0UyNs

— Robert snodgrass (@robsnodgrass7) January 16, 2024

یاریزانە باڵە راستەکە 28 یاری لەگەڵ هەڵبژاردەی سکۆتلاند کردووە و یەکێک بوو لە یاریزانە سەرەکییەکانی دەیەی رابردوو.

لە مانگی ئەپریل/نیسانی رابردوودا، گرێبەستەکەی لەگەڵ هارتس بەسەرچوو و لەو کاتەوە بێ یانە مابووەوە.