یاریگا –
ئاراندینا ئەو یانەیەی ئەمشەو لە جامی شای ئیسپانیا رووبەڕووی ریال مەدرید دەبێتەوە، لەپێناوی یارییەکەی بەرامبەر مەدریدییەکان یاریگاکەی فراوان کردووە و ژمارەی کورسییەکانی یاریگاکەی زیاد کردووە.
رۆژنامەی مارکای ئیسپانی ئاشکرایکردووە، ئاراندینا بۆ یارییەکەی بەرامبەر ریال مەدرید یاریگاکەی نۆژەنکردووەتەوە و ژمارەی کورسییەکانی یاریگاکەی گەیاندووەتە 10 هەزار کورسی، بلاجکتۆرەکانی یاریگاکەی زیاد کردووە بۆ ئەوەی بە باشترین شێوە پێشوازیی لە ریال مەدرید بکەن.
🏆 Así luce el Juan Carlos Higuero en plena metamorfosis para el duelo copero del Día de Reyes… ni la lluvia se lo está queriendo perder
⚪🔵 @ArandinaCF
⚪⚪ @realmadrid🎦 @Diegoamartin13 pic.twitter.com/UOaWownbLo
— Diego A. Martín (@Diegoamartin13) January 4, 2024
ئەمشەو لە قۆناخی 32ـی جامی شای ئیسپانیا، ئاراندینا لە یاریی چوون لە یاریگای ئێلمۆنتیسییۆ میوانداریی ریال مەدرید دەکات، کە یاریگاکە لە بنەڕەتدا شوێنی تەنیا شەش هەزار هاندەر دەگرێت، بەڵام بەرپرسانی یانەکە ژمارەی کورسییەکانی یاریگاکەیان بۆ یارییەکەی ئەمشەو گەیاندووەتە 10 هەزار کەس.
🏟 Arandina are preparing the stadium for the arrival of Real Madrid. @diarioas pic.twitter.com/VQkuLXjOii
— Madrid Xtra (@MadridXtra) January 5, 2024
یاریزانانی ئاراندینا دوێنێ هەینی، دوای ئەوەی دوایین مەشق و راهێنانیان بۆ یارییەکەی ئەمڕۆ ئەنجام دا، وێنەیەکیان یادگاریی لەگەڵ درێسی ریال مەدرید گرت، لەکاتێکدا ئەمشەو ئەو یانەیە رکابەرییانە، یاریزانەکانی ئاراندینا رێککەوتوون لەسەر ئەوەی دوای یارییەکەی ئەمشەو درێسی یاریزانەکانی ریال مەدریدیان لە نێوان خۆیان دابەش کردووە، بۆ ئەوەی دوای یارییەکە درێسەکانیان لێوەربگرن.
ئاراندینا ساڵی 1987 دامەزراوە و تەمەنی یانەکە تەنیا 37 ساڵە، لە ریزی یانە پلە چوارەکانی ئیسپانیا یاریی دەکات و لە بۆرسەدا نرخی یانەکە ملیۆنێک و 80 هەزار یۆرۆیە.
یاریگای ئێلمۆنتێسییۆ تایبەتە بە یانەی ئاراندینا کە شوێنی شەش هەزار هاندەر دەگرێت و ساڵی 1977 دروستکراوە.
— follow @MMajeedx (@mmtv20060) January 5, 2024
