یاریگا –
رێزدار وەلی هێرشبەری یانەی سۆران لەلایەن تۆڕی وەرزشی یاریگاوە بە ئەستێرەی گەڕی سێزدەمی خولی نایابی کوردستان دەستنیشانکرا، کە لەدوای هەر گەڕێک باشترین یاریزانی گەڕەکە دەستنیشان دەکرێت.
لە گەڕی سێزدەمی خولی نایابی کوردستان، رێزدار وەلی لە یاریی سۆران بەرامبەر هەولێر دووانەیەکی تۆمارکرد و یانەکەی بەرەو سەرکەوتن برد، رێزدار لەو یارییە دوو گۆڵی کرد و بووە هۆی ئەوەی سۆران 3-2 یارییەکە بباتەوە و سەرکەوتنێکی گرنگ تۆمار بکات.
رێزدار وەلی کە ژمارەی گۆڵەکانی لەم وەرزەی خولی نایابی کوردستان گەیاندە 6 گۆڵ، لەبارەی دەستنیشانکرانی وەکو ئەستێرەی گەڕی سێزدەم دەڵێت :’ بۆ من جێگای شانازییە له‌لایەن تۆڕی وەرزشی یاریگاوە به ئه‌ستێره‌ی گه‌ڕی سێزدەم ده‌ستنیشانكراوم، ئێستا دڵخۆشترم له‌و ساته‌ی كه دوو گۆڵه‌كه‌م به‌رامبه‌ر هه‌ولێر تۆماركرد، تۆڕی وه‌رزشی یاریگا هه‌میشه پێشه‌نگه’.
