گەورەکانی پرێمەرلیگ باڵدێیان کردووەتە ئامانج

یاریگا –

بۆ بەدەستهێنانی ئالیخاندرۆ باڵدێ، مانچێستەر یونایتد ململانێی چێڵسی دەکات.

ماڵپەڕی Fichajes بڵاویکردووەتەوە، یانەی مانچێستەر یونایتد چاوی بڕیووەتە تواناکانی ئالیخاندرۆ باڵدێی ئیسپانی و بەرگریکاری یانەی بارسێلۆنا، شەیتانە سوورەکان دەیانەوێت لە مێرکاتۆی هاوینەی داهاتوو گرێبەستی لەگەڵدا واژۆ بکەن.

بەپێی زانیارییەکانی هەمان سەرچاوە، ئەمە لە کاتێکدایە یانەی چێڵسیش ماوەیەکە چاودێری دۆخی ئەو یاریزانە دەکات و پلانیان داناوە لە هاوینی داهاتوو ئۆفەرێکی فەرمی پێشکەش بکەن.

باڵدێ بە یەکێک لە باشترین بەرگریکارەکانی لالیگا دادەنرێت و یاریزانێکی سەرەکی و گرنگی پێکهاتەکەی چاڤی هێرناندێزە، بۆیە پێشبینی ناکرێت بارسا وا بە ئاسانی دەستبەداری ببێت.

بەرگریکارە تەمەن 20 ساڵانییەکە تا هاوینی ساڵی 2028 گرێبەستی لەگەڵ یانە کاتالۆنییەکە هەیە، مەرجی هەڵوەشاندنەوەی گرێبەستەکەشی یەک ملیار یۆرۆیە، ئەمەش ئەگەرەکانی رۆیشتنی لە بارسا کەمدەکەنەوە.

ئالیخاندرۆ لە ئەکادیمیای بارسێلۆنا پێگەیشتووە، یاری بۆ هیچ یانەیەکی دیکە نەکردووە، بە درێسی تیپی یەکەمی یانەکەشی لە سەرجەم پاڵەوانێتییەکاندا 73 یاری کردووە، خاوەنی 1 گۆڵ و 8 ئەسیستە، نازناوێکی لالیگا و نازناوێکی جامی سوپەری ئیسپانیای لەگەڵ یانەکەی بەدەستهێناوە