یاریگا –
راپۆرتە رۆژنامەوانیەكانی ئیسپانیا ئاشكرایانكرد یانەی بارسێلۆنای ئیسپانی بڕیاریداوە لە گواستنەوەكانی زستانەدا بەشێوەی هەمیشەیی دەستبەرداری یەكێك لە بەرگریكارەكانی ببیت.
چاوەڕوان دەكرێت لە گواستنەوەكانی زستانەدا شادی ریاز بگەڕێتەوە ریزەكانی بارسێلۆنا.
❗️Barcelona have decided to bring back Chadi Riad, paying his €7m fee for a repurchase option. He will join the first team.
— @sport pic.twitter.com/eLegUzPZ1i
— Barça Universal (@BarcaUniversal) December 25, 2023
بەپێی زانیارییەكانی رۆژنامەی سپۆرت لە گواستنەوەكانی زستانەدا بارسێلۆنا دەستبەرداری یەكێك لە بەرگریكارەكە گەورەكانی یانەكەی دەبێت.
هەمان سەرچاوە ئاشكرایكردووە، بەهۆی تەمەنە زۆرەكەیەوە فرۆشتنی ئینیگۆ مارتینێز دوورخراوەتەوە و چونكە چاوەڕوان ناكرێت هیچ ئۆفەرێكی گرانبەها بۆ گواستنەوەی بێت.
هەروەها ئەوەش خراوەتە روو، بەهیچ شێوەیەك یانەكە بیر لە فرۆشتنی رۆنالد ئاراوخۆ ناكاتەوە و ئەو یاریزانە بۆ یانەكە دەست لێ نەدراوە.
لە راپۆرتەكەی سپۆرتدا هاتووە، نزیكترین بەرگریكار بۆ جێهێشتنی بارسێلۆنا لە نێوان جولس كۆندێ و ئەندریاس كریستێنسن دایە، یانەكە چاوەڕوان ناكات لە فرۆشتنی كریستێنسن پارەیەكی زۆری دەست بكەوێت.
𝑵𝒐𝒕𝒊𝒄𝒊𝒂 𝑺𝑷𝑶𝑹𝑻 🔴
💰 El Barça contempla la venta de un central este veranohttps://t.co/LWlujluV5e
— Diario SPORT (@sport) December 25, 2023
ئاماژە بەوەشكراوە، هەموو سەرچاوەكان ئاماژە بە رۆیشتنی جولس كۆندێ دەكەن، بەتایبەت لە دوای گەڕانەوەی لە پێكان ئاستی دابەزیوە، بۆیە یانە كەتەلۆنییەكە دەیەوێت لە گواستنەوەكانی زستانەدا دەستبەرداری ببێت.
بارسێلۆنا بە كۆكردنەوەی 38 خاڵ لە ریزبەندی چوارەمی لالیگا دێت و بە جیاوازی حەوت خاڵ لە دوای ریال مەدڕیدی پێشەنگەوەیە.
