لیۆنێل مێسی شەش درێسی خۆی کە یارییەکانی مۆندیالی 2022ـی پێ ئەنجامداون، لە زیادکردنێکی ئاشکرا دەفرۆشێت و پێشبینی دەکرێت نرخی ئەو درێسانە بکات 10 ملیۆن دۆلاری ئەمریکی.
ماڵی سۆزبێز تایبەت بە زیادکردنی ئاشکرا، رایگەیاندووە شەش درێسی لیۆنێل مێسی یاریزانی هەڵبژاردەی ئارجێنتینا لە زیادکردنێکی ئاشکرا دەفرۆشین، کە لیۆ لە مۆندیالی قەتەر بەم درێسانە یاریی کرد و بووە پاڵەوانی جیهان.
Six shirts worn by the one-and-only Lionel Messi during the 2022 FIFA World Cup in Qatar are coming to auction at Sotheby’s. This is your chance to own a piece of football history. https://t.co/RIVKdGhBFz pic.twitter.com/19N0rvSMcg
— Sotheby's (@Sothebys) November 20, 2023
مێسی بو درێسانە لە نیوەی یەکەمی یاریی بەرامبەر سعوودیە، مەکسیک، ئوستڕاڵیا، هۆڵەندا، کرواتیا و فەرەنسا بەشداریی یارییەکانی مۆندیالی کردووە، رۆژی 30ـی ئەم مانگە زیادکردنەکە دەستپێدەکات و تاوەکو رۆژی 14ـی مانگی داهاتوو دەخایەنێت، پێشبینی دەکرێت نرخی ئەو درێسانە بگاتە سەرووی 10 ملیۆن دۆلار و ببنە گرانبەهاترین کەلوپەلی وەرزشی لە مێژوودا.
بەشێکی داهاتی فرۆشتنی ئەم درێسە تایبەت و مێژووییانە دەبەخشرێتە پڕۆژەی یونیکاس کە لەم پڕۆژەیە لە نەخۆشخانەکانی شاری بارسێلۆنا چارەسەری نەخۆشییە دەگمەنەکانی منداڵانی تیادا دەکرێت.
تاوەکو ئێستا درێسێکی مایکل جۆردان ئەستێرەی پێشووی باسکەی ئەمریکی گرانبەهاترین کەلوپەلی وەرزشییە لە مێژوودا فرۆشرا بێت، درێسەکەی جۆردان کە کە ساڵی 1998 لەگەڵ یانەی شیکاگۆ بوڵزی ئەمریکی یاریی پێ کردبوو، لە زیادکردنێکی ئاشکرا بە 10.1 ملیۆن دۆلار فرۆشرا.
