بەهۆی یانەی شەوانەوە، سێ ئەستێرەی هەڵبژاردەی چیک دوورخرانەوە
سەرۆکی یەکێتیی تۆپی پێی چیکیشیان لەگەڵدا بووە !
یاریگا –
ڤلادیمیر کۆوفال بەهۆی پێشێلکردنی یاساکانی هەڵبژاردەی چیک و چوونی بۆ یانەیەکی شەوانە، لە پێکهاتەی هەڵبژاردەکەی دوورخرایەوە.
کۆوفال، ئەستێرەی وێستهام و جەیکوب برابیچ و یان کوچا لەلایەن راهێنەری هەڵبژاردەی چیک دوورخرانەوە و گەڕانەوە ماڵەوە.
رۆژنامەی iSport بڵاویکردووەتەوە، هەرسێ یاریزان و تۆماس نیومان، سەرۆکی یەکێتیی تۆپی پێی چیک لە شاری ئۆڵۆمۆوچ، چیک درەنگانی شەو چووبوونە یانەیەکی شەوانە و ئەمەش پێچەوانەی یاساکانی هەڵبژاردەی وڵاتەکەیە.
رووداوەکە شەوێک دوای یەکسانبوونی هەڵبژاردەی چیک لەگەڵ هەڵبژاردەی پۆڵەندا لە پاڵاوتنەکانی یۆرۆی 2024 دێت.
رۆژنامەکە بڵاویکردووەتەوە، هەرسێ یاریزانی ناوبراو لەگەڵ چەند یاریزانێکی خولی ناوخۆیی سەردانی یانەی شەوانەیان کردووە.
Tři hráči národního týmu zásadním způsobem v sobotu v noci porušili interní pravidla reprezentace. Jakub Brabec, Vladimír Coufal a Jan Kuchta s okamžitou platností z rozhodnutí vedení reprezentace opustili sraz národního týmu. pic.twitter.com/LKbwGkBnL0
— Česká fotbalová reprezentace (@ceskarepre_cz) November 19, 2023
لە بەیاننامەی یەکێتیی تۆپی پێی چیکدا هاتووە
سێ یاریزان بە تەواوی پێشێلی یاساکانی هەڵبژاردەی چیکیان کردووە. جەیکوب برابیچ، ڤلادیمیر کۆوفال و یان کوچا لە هەڵبژاردە دوورخرانەوە.
کۆوفال دەگەڕێتەوە لەندەن و ئامادەکاری بۆ یاری داهاتوو بەرامبەر بێرنلی دەکات.
