بەڕێوەبەرێکی گەورەی لالیگا پەیوەندی بە ئاتلێتیکۆ مەدرید دەکات
بەڵام یەکەم کەس نییە لە لالیگاوە پەیوەندی بە یانەیەکەوە بکات !
یاریگا –
ئۆسکار مایۆ، بەڕێوەبەری گشتی لالیگا پۆستەکەی جێدەهێڵێت و دەبێتە بەڕێوەبەری بازرگانی ئاتلێتیکۆ مەدرید.
مایۆی تەمەن 34 ساڵان لە سەرەتای ساڵی داهاتوو، پۆستەکەی لە لالیگا جێدەهێڵێت و روونیکردووەتەوە، چاڵنجێکی نوێ دەستپێدەکات.
مایۆ لە ساڵی 2017-ەوە کار لەگەڵ لالیگا دەکات و لە ساڵی 2021 بووە بەڕێوەبەری گشتی لالیگا. لە نزیکەوە کاری لەگەڵ خاڤیێر تێباس، سەرۆکی لالیگا کردووە و ئاگاداری تەواوی وردەکارییەکانی بازرگانی و چۆنیەتی زیادکردنی داهاتە.
لە دوای چوونە دەرەوەی مایۆ، لالیگا جارێکی دیکە هەیکەلیەتی خۆی رێکدەخاتەوە و پێدەچێت، خۆرخێ دێ لا ڤێگا، بەڕێوەبەری بەبازاڕکردنی لالیگا، شوێنی مایۆ بگرێتەوە.
💥 Óscar Mayo abandona LaLiga y ficha por el Atlético de Madrid como nuevo Director Deportivo
👇🏻 Todos los detalles sobre el movimiento en el que el hasta ahora número dos de Javier Tebas en la patronal ha decidido aceptar la oferta del equipo rojiblancohttps://t.co/fAZndPPgeb
— COPE (@COPE) November 14, 2023
مایۆ هیچ پەیوەندییەکی بە لایەنی وەرزشی ئاتلێتیکۆ مەدرید نابێت، بەڵکو تەنیا سەرنجی لەسەر کاری بازرگانی دادەنێت.
مایۆ یەکەم کەسە نییە لە دامەزراوەیەکی فەرمی وەک لالیگا پەیوەندی بە یانەیەکەوە بکات. پێشتر میگێل گارسیا کابا، 9 ساڵ بەرپرسی بەشی یاسایی لالیگا بوو و لە ساڵی 2016 پەیوەندی بە ریال مەدریدەوە کرد.
