واڵتێر مازاری لەگەڵ ناپۆلی گەیشتووەتە رێککەوتن لە شوێنی رۆدی گارسیا دەبێتە راهێنەری یانەی ناپۆلی.
فابریزیۆ رۆژنامەنووسی بەناوبانگی ئیتاڵی ئاشکرایکردووە، واڵتێر مازاری لەگەڵ ناپۆلی گەیشتووەتە رێککەوتن، پێشبینی دەکرێت ئەمڕۆ سێشەممە بەفەرمی ببێتە راهێنەری یانە ئیتاڵییەکە و شوێنی رۆدی گارسیا بگرێتەوە.
بەهۆی شکستە چاوەڕواننەکراوەکەی ناپۆلی لە دوایین یاریی لە سێریا ئەی بەرامبەر ئیمپۆلی، رۆدی گارسیا لە راهێنەرایەتی یانەکە دوور دەخرێتەوە و بەرپرسانی یانە ئیتاڵییەکە ئەنجامەکانی یانەکەیان لەم وەرزە بە دڵ نییە، کە لە سێریا ئەی بە کۆکردنەوەی 21 لە پلەی چوارەمی خولەکە دێت.
🚨🔵 Walter Mazzarri, new Napoli head coach. Agreement sealed — valid until June 2024.
Former Inter and Watford manager has signed the contract — set to be unveiled as new coach today. Mazzarri replaces Rudi Garcia. pic.twitter.com/R21tk0CoVS
— Fabrizio Romano (@FabrizioRomano) November 14, 2023
بەگوێرەی سەرچاوەی میدیا ئیتاڵییەکان گرێبەستەکەی مازاری کورتخایەن دەبێت و تاوەکو کۆتایی ئەم وەرزە راهێنەرایەتی یانەی ناپۆلی دەکات.
مازاری 62 ساڵان پێشتر راهێنەرایەتی یانەکانی ئینتەر میلان و سامپدۆریا و تۆرینۆی ئیتاڵی کردووە و لە ئینگلتەراش راهێنەرایەتی یانەی واتفۆردی کردووە، بەڵام لە کاروانی راهێنەرایەتی خۆیدا هیچ نازناوێکی بەدەست نەهێناوە.
