یاریگا –
لە دوای پەیوەندیكردنی كریستیانۆ رۆناڵدۆ بە خولی رۆشنی سعودییەوە تا دێت چاوەكان لەسەر ئەو خولە زیاتر دەبێت و پلانی داهاتووی خولەكە دانانی فانتاسی خولی رۆشنی سعودییە.
فانتاسی یارییەكی فەرمییە و كە ماوەی چەندین ساڵە لە پرێمەرلیگ هەیە.
” فانتاسی یاریەكی فەڕمی پرێمەرلیگە كە تۆ دەبیتە راهێنەر و پێوویستە لەسەرت پێكهاتەیەكی 15 یاریزانی درووست بكەیت ، 2 گۆڵپارێز ، 5 بەرگریكار ، 5 ناوەڕاستكار ، 3 هێرشبەر ، بە بری 100 ملیۆن كە لە بەردەست دایە ، بە مەرجێك ناتوانیت لە 3 یاریزان زیاتری یانەیەك بهێنیتە پێكهاتەكەت. یانزە یاریزانی سەرەكی دادەنێیت لەگەڵ چوار یاریزانی یەدەگ ئەگەر یاریزانە سەرەكیەكان یاریان نەكرد ئەوا بە ڕیزبەندی یاریزانە یەدەگەكان دەچنە جێگایان”.
خولی رۆشنی سعودی ئاشكرایكرد فانتاسی خولی رۆشنی سعودی لە وەرزی 2023/2024 دەست پێدەكات.
هەژماری فەرمی فانتاسی خولی رۆشنی سعودی لە پلاتفۆرمی ئێكس ئاشكرایكرد: ئەمڕۆ یەكشەممە یەكەمین وەرزی فانتاسی خولی رۆشنی سعودی دەست پێدەكات.
هەروەها نووسیویانە: با یاری فانتاسی خولی رۆشن بكەین، باشترین بن و لە باشترینەكان ببەنەوە، رۆژی یەكشەممە بەفەرمی رادەگەیەندرێت و هەموو وردەكارییەكان ئاشكرا دەكرێت.
كٌن الأفضل وتغلب على الأفضل 💪
غداً الأحد سيكون الإعلان الرسمي عن جميع التفاصيل 😍 pic.twitter.com/IYzuvRxErn
— RSL Fantasy (@SPLfantasy) November 11, 2023
دۆن رۆناڵدۆ ئاستێكی بەرز لەم وەرزەی خولی سعودیدا پێشكەش دەكات و بە جۆرێك بە كردنی 13 گۆڵ لە پێشەنگی ریزبەندی گۆڵكارانی خولەكەدایە و هەروەها بە 7 ئەسیست لە پێشەنگی گۆڵدروستكارانیشدایە.
