یاریگا –
كەریم بێنزێما، ئەستێرەی هەڵبژاردەی فەڕەنسا و یانەی ئیتیحادی سعودی توانی هاتریك بەرامبەر ئەبها بكات لە خولی رۆشنی سعودی.
شەوی رابردوو ئیتیحاد لە یاریگای خۆیدا میوانداری ئەبهای كرد و یارییەكەشی بە ئەنجامی چوار گۆڵ بەرامبەر دوو گۆڵ لێ بردەوە، لە میانی یارییەكانی هەفتەی سیانزەی خولی رۆشنی سعودی.
گۆڵەكانی ئیتیحاد لە لایەن ئیگۆر كۆرنادۆ لە خولەكی 54 و كەریم بێنزێما لە خولەكی 38 ، 67 ، 69 تۆمار كران.
Hat-rick 🎩⚽️#الاتحاد_ابها pic.twitter.com/mdWUMhIb2J
— نادي الاتحاد السعودي (@ittihad) November 10, 2023
لە لێدوانەكانیدا دوای یارییەكە بۆ كەناڵی SSC بێنزێما ووتی:
لەسەرەتادا ئامانجمان سەرکەوتن و گەڕانەوە بۆ سەرکەوتنەکان بوو، سوپاسی ئیدارە دەکەم بۆ پاڵپشتی لەو هەلومەرجە سەختەی پێیدا تێپەڕین.
بەردەوام بوو ووتی:
دڵخۆشم بە كردنی هاتریك و درووستكردنی گۆڵێك و یارمەتیدانی یانەكەم بۆ بردنەوە.
سەبارەت بە نونۆ سانتۆس راهێنەری پێشووی ئیتیحاد ووتی:
قۆناخی نونۆ سانتۆس بووە بە رابردووە، لەبەردەمماندا پشوویەكی نێودەوڵەتی هەیە، لەو ماوەیەدا كاردەكەین بۆ راستكردنەوەی بارودۆخەكە.
لەكۆتایشدا ووتی:
دەبێت بیر لەوە بكەینەوە لە دوای ئەوە چی دێت، لە ماوەی پشووە نێودەوڵەتیەكاندا و یاری هەڵبژاردەكاندا كاردەكەین بۆ گەڕانەوەی ئیتیحاد بۆ پێگەی ئاسایی خۆی لە ریزبەندیەكەدا.
ئیتیحاد بە كۆكردنەوەی 24 خاڵ لە ریزبەندی پێنجەمی خولی رۆشنی سعودی دێت لە دوای تێپەڕبوونی 13 هەفتەی خولەكە.
