یاریگا –
فیدراسیۆنی تۆپی پێی ئاسیا چەند بڕیارێكی فەرمی دا سەبارەت بە رووداوەكانی یارییەكەی نێوان ئیتیحاد و سێپاهان لە یارییەكانی خولی یانە پاڵەوانەكانی ئاسیا.
یانەی ئیتیحادی سعودی بەهۆی بوونی پەیكەری قاسم سولەیمانی لە یاریگای سێپاهان رەتیكردەوە ئامادەی یارییەكە ببێت.
یاساكانی یەکێتی تۆپی پێی ئاسیا، بوونی هەر دروشم و لافیتە و وێنەیەکی سیاسی پەیوەست بە بابەتە سیاسییەکان لە یاریگادا قەدەخە دەکات.
بڕیارەكانی یەكێتی تۆپی پێی ئاسیا سەبارەت بە یارییەكی نێوان ئیتیحاد و سێپاهان:
1- ئیتیحاد بە براوەی یارییەكەیان بەرامبەر سێپاهان بە ئەنجامی 3-0 دیاریكرا.
2- یانەی سپاهانی ئێرانی بە بڕی 200 هەزار دۆلار غەرامە کرا.
3- سێپاهان ناتوانێت سێ یاری لە یاریگای خۆیدا ئەنجام بدات.
4- لابردنی پەیكەر و لافیتە سیاسیەكان لە یاریگای سێپاهان.
ئیتیحاد بە كۆكردنەوەی 9 خاڵ لە پێشەنگی ریزبەندی كۆمەڵەی سێیەم دێت و سێپاهانیش بە چوار خاڵ لە پلەی دووەم دێت.
