ئەمڕۆ پێنج شەممە وەرزی نوێی 2023 _ 2024ـی خولی ئەستێرەکانی عێڕاق بە بەشداری 20 یانە دەستپێدەکات.
جیاواز لە وەرزەکانی ڕابردوو بۆ وەرزی نوێی خولی ئەستێرەکانی عێڕاق بە شێوازێکی سەردەمیانە و بە بەکارهێنانی سستمی ڤاڕ یارییەکانی ئەم وەرزە بەڕێوە دەچن، لە دەسپێکی خولەکەش ئەمڕۆ کاتژمێر 2:30ـی دوای نیوەڕۆ یانەی ئەمانەی بەغداد لە یاریگای خۆی میوانداری یانەی قاسم دەبێتەوە، کاتژمێر7ـی شەویش یانەی حدوود لە یاریگای ئەحمەدڕازی بەرامبەر یانەی نەفتی بەسڕا یاری دەکات، لە هەمان کاتدا یانەی نەجەف لە یاریگای نەجەف بەرامبەر یانەی نەفتی میسان یاری دەکات، نەورۆز دەسپێکی وەرزی ئەمساڵی بە تاقی کردنەوەیەکی قوڕس دەبێت کاتێک لە یاریگای زەوڕا لە شاری بەغداد ڕووبەڕووی یانەی زەوڕا دەبێتەوە لە کاتژمێر 9:30 خولەکی شەو.
تا ئێستا لە بەشێک لە یاریگاکانی عێڕاق سیستمی ڤاڕ دانەنراوە، چاوەڕوان دەکرێت دوای گەڕی پێنجەمی خولەکە سەرجەم ئەو یاریگایانەی عێڕاق کە خولی ئەستێرەکانی عێڕاقی لێ بەڕێوە دەچێت دانانی ڤاڕ تەواو بکرێت لە یارییەکاندا کاری پێبکرێت.
