یاریگا –
راپۆرتە رۆژنامەوانیەكان ئاشكرایانكرد یانەی نەسری سعودی گرێبەست لەگەڵ كوڕەكەی كریستیانۆ رۆناڵدۆ ئەستێرە و كاپتنی یانەكەیان دەكات.
جۆنیۆری كوڕی كریستیانۆ رۆناڵدۆ لە 17ی مانگی 6ی ساڵی 2010 لەدایك بووە و تەمەنی 13 ساڵە.
#النصر يضم نجل #كريستيانو_رونالدو ويمنحه الرقم «7»https://t.co/A2HM3e8W9s
(من: @bandar_52 )
— صحيفة الرياضية (@ariyadhiah) October 19, 2023
بەپێی زانیارییەكانی رۆژنامەی ریازیەی سعودی ئیدارەی نەسر بە شێوەیەكی فەرمی گرێبەستی لەگەڵ جونیۆر واژۆ كردووە بۆ ئەوەی پەیوەندی بە ئەكادیمیای یانەكەوە بكات.
رۆژنامەكە ئەوەشی ئاشكرا كردووە، ناوی جونیۆر لە لیستی یاریزانانی خوار 13 ساڵان و 15 ساڵانی نەسر تۆمار كراوە.
لە راپۆرتەكەی ریازیەدا هاتووە، جونیۆر هاوشێوەی باوكی درێسی ژمارە 7 دەپۆشێت.
رۆژنامەكە ئەوەشی ئاشكرا كردووە، كوڕەكەی دۆن رۆناڵدۆ لەگەڵ لاوانی نەسر یەكەم یاری خۆی رۆژی هەینی بەرامبەر قادسیە دەكات.
