یاریگا –
یانەی ناپۆلی ئیتاڵی گفتوگۆكانی لەگەڵ ئانتۆنیۆ كۆنتی راهێنەری ئیتاڵی دەستپێكردووە بۆ شوێنگرتنەوەی رودی گارسیا.
ئۆرێلیۆ دی لاورێنتیس، سەرۆكی ناپۆلی دوێنێ لە لێدوانێكیدا ئاشكرایكرد كە بڕیار لەسەر داهاتووی رودی گارسیا دەدات.
لە لێدوانێكیدا ووتی: رودی گارسیا زۆر شارەزای تۆپی پێی ئیتاڵیا نییە، ئێمە دەمانەوێت رکابەری بکەین و لەگەڵ گارسیا، ناتوانیت ئەم کارە بکەین. باشترین بڕیار لە گونجاوترین کات دەدەم و ناچمە ژێر کاریگەری هاندرەران.
لە چەند كاتژمێری رابردوودا رۆژنامەكان ئاشكرایانكرد یانە ئیتاڵیەكە دەیەوێت ئانتۆنیۆ كۆنتی لە جێگای رودی گارسیا دەستنیشان بكات.
فابریزیۆ رۆمانۆ رۆژنامەنووسی ئیتاڵی و شارەزا لە بازاڕی گواستنەوەی یاریزانان لە هەژماری تایبەتی خۆی لە پلاتفۆرمی ئێكس ئاشكرایكرد، ئەمڕۆ چوارشەممە بە شێوەیەكی فەرمی ناپۆلی گفتوگۆكانی لەگەڵ ئانتۆنیۆ كۆنتی دەستپێكردووە بەمەبەستی وەرگرتنی پۆستی راهێنەرایەتیكردنی ئەو یانەیە.
🚨🔵 Napoli have formally approached Antonio Conte today. Discussions will follow with direct talks to understand if he can be the right man to replace Rudi Garcia.
No final decision made yet as there are many crucial points to discuss before advancing with Conte. pic.twitter.com/K72Cdyuj1D
— Fabrizio Romano (@FabrizioRomano) October 11, 2023
ناپۆلی پاڵەوانی وەرزی رابردووی سێریا ئەی لە ریزبەندی پێنجەمی خولەكەدا دێت بە كۆكردنەوەی 14 خاڵ.
