ڤیدیۆ؛ لۆرێنزۆ ئینسینیێ بە تووڕەیی دەردەکەوێت و جنێو بە هاندەرێکی تیمەکەی دەدات
یاریگا –
لۆرێنزۆ ئینسینیێ، ئەستێرەی ئیتاڵی و یانەی تۆرۆنتۆی کەنەدی، بە تووڕەییەکی زۆر لە یاریگادا دەردەکەوێت.
ئینسینیێ دوور لە چیمەنی یاریگا سەیری یارییەکەی تۆرۆنتۆ و سینسیناتی کرد، کە تیمەکەی بە ئەنجامی 2-3 شکستیهێنا. لە گرتەیەکی ڤیدیۆییدا، ئینسینیێ بە تووڕەیی دەردەکەوێت و قسەی ناشیاو بە هاندەرێکی تۆرۆنتۆ دەڵێت
Lorenzo Insigne getting heated with a TFC supporter during today’s match
He had to be pulled inside before things got worse… #TFCLive #MLS pic.twitter.com/F1KvZUYEPa
— Daniel Ayik (@ayik_daniel) October 1, 2023
کاروانەکەی ئینسینیێ لە خولی ئەمریکی زۆر سەرکەوتوو نەبووە، هەرچەندە لە هاوینی ساڵی 2022 لە ناپۆلییەوە پەیوەندی بە یانە کەنەدییەکەوە کرد، بەڵام تەنیا 11 گۆڵ و شەش ئەسیستی هەیە. لە ساڵی رابردوودا، بۆ ماوەیەکی درێژ لەگەڵ بۆب بڕادلی، راهێنەری ئەمریکی کێشەی هەبوو، لە کۆتاییدا بۆب تیمەکەی جێهێشت.
چوارشەممەی داهاتوو، تۆرۆنتۆ دوور لەیاریگای خۆی دەبێتە میوانی چاڕلۆت.
