یاریگا –
ڤیکتۆر ئۆسیمین، هێرشبەری ناپۆلی تەواوی وێنەکانی خۆی بە درێسی ناپۆلی لە هەژماری ئینستاگرامەکەی سڕییەوە.
لە چەند رۆژی رابردوودا، پێگەی فەرمی ناپۆلی لە پلاتفۆرمی تیک تۆک، ڤیدیۆییەکی بڵاوکردەوە و بەڕوونی لە ڤیدیۆکەدا گاڵتە بە ئۆسیمین کرا. هەرچەندە پاڵەوانی ئیتاڵیا هەر زوو ڤیدیۆکەی سڕییەوە.
رۆبێرتۆ کالیندا، بەڕێوەبەری کارەکانی ئۆسیمین، لە بەیاننامەیەکدا هەڕەشەی لە ناپۆلی کرد و روونیکردەوە
بڵاوکردنەوەی ڤیدیۆکە، زیانی بە ئۆسیمین گەیاندووە، ئەوەی ئەمڕۆ لە هەژماری فەرمی ناپۆلی لە تیک تۆک روویدا، بە هیچ شێوەیەک قبوڵکراو نییە. بە مافی خۆمانی دەزانین هەر هەنگاوێکی یاسایی بۆ پاراستنی ئۆسیمین بگرینەبەر.
لە یاری رابردووی ناپۆلی لە بەرامبەر بۆڵۆنیا، ئۆسیمین لێدانێکی سزای لەدەستدا و دواتر گۆڕانکاری پێکرا، ئەمەش بووە هۆی تووڕەبوونی یاریزانە نایجێرییەکە و تەنانەت، هاواری بەڕووی رودی گارسیای راهێنەر کرد، هەرچەندە راهێنەرەکە رووداوەکەی بە هەستیاری وەرنەگرت.
Shocking that Napoli posted this video about a man who has given his all to the Club.
🇳🇬Victor Osimhen has every right to be upset!!!pic.twitter.com/ySERWWMo5m
— George Addo Jnr (@addojunr) September 26, 2023
لە ڤیدیۆکەدا ئۆسیمین دەردەکەوێت و بە دەنگێکی سەیر و خێرا، داوای لێدانی سزا دەکات، دواتر لێدانەکە جێبەجێ دەکات و تۆپەکە دەچێتە دەرەوە، لەگەڵ ئەم گرتانە، دەنگی گاڵتەجاڕی لە باکگراوند پلەی کراوە.
لە وەرزی رابردوودا، هێرشبەری نێودەوڵەتی نایجێری 31 گۆڵی لە تەواوی پاڵەوانیەتییەکان کرد و لەم وەرزەدا لە کۆی پێنج یاریدا، سێ گۆڵی کردووە.
ناپۆلی لە پلەی حەوتەمی ریزبەندی گشتیدا دێت و ئەمشەو میوانداری یودینێزی دەکات.
