یاریگا –
بەڕێوەبەری کارەکانی ڤیکتۆر ئۆسیمین، هێرشبەری ناپۆلی هەڕەشە لە یانەکە دەکات.
لە چەند رۆژی رابردوودا، پێگەی فەرمی ناپۆلی لە پلاتفۆرمی تیک تۆک، ڤیدیۆییەکی بڵاوکردەوە و بەڕوونی لە ڤیدیۆکەدا گاڵتە بە ئۆسیمین کرا. هەرچەندە پاڵەوانی ئیتاڵیا هەر زوو ڤیدیۆکەی سڕییەوە، بەڵام رۆبێرتۆ کالیندا دەڵێت
بڵاوکردنەوەی ڤیدیۆکە، زیانی بە ئۆسیمین گەیاندووە، ئەوەی ئەمڕۆ لە هەژماری فەرمی ناپۆلی لە تیک تۆک روویدا، بە هیچ شێوەیەک قبوڵکراو نییە. بە مافی خۆمانی دەزانین هەر هەنگاوێکی یاسایی بۆ پاراستنی ئۆسیمین بگرینەبەر.
Quanto accaduto oggi sul profilo ufficiale del Napoli sulla piattaforma TikTok non è accettabile. Un filmato che deride Victor è stato prima reso pubblico e poi, ma ormai tardivamente, cancellato. Un fatto grave che crea un danno serissimo al giocatore e si somma al trattamento…
— Roberto Calenda (@RobertoCalenda) September 26, 2023
لە یاری رابردووی ناپۆلی لە بەرامبەر بۆڵۆنیا، ئۆسیمین لێدانێکی سزای لەدەستدا و دواتر گۆڕانکاری پێکرا، ئەمەش بووە هۆی تووڕەبوونی یاریزانە نایجێرییەکە و تەنانەت، هاواری بەڕووی رودی گارسیای راهێنەر کرد، هەرچەندە راهێنەرەکە رووداوەکەی بە هەستیاری وەرنەگرت.
لە ڤیدیۆکەدا ئۆسیمین دەردەکەوێت و بە دەنگێکی سەیر و خێرا، داوای لێدانی سزا دەکات، دواتر لێدانەکە جێبەجێ دەکات و تۆپەکە دەچێتە دەرەوە، لەگەڵ ئەم گرتانە، دەنگی گاڵتەجاڕی لە باکگراوند پلەی کراوە.
Shocking that Napoli posted this video about a man who has given his all to the Club.
🇳🇬Victor Osimhen has every right to be upset!!!pic.twitter.com/ySERWWMo5m
— George Addo Jnr (@addojunr) September 26, 2023
ناپۆلی لە پلەی حەوتەمی ریزبەندی گشتیدا دێت و ئەمشەو میوانداری یودینێزی دەکات.
لە وەرزی رابردوودا، ئۆسیمین ئەستێرەی یەکەمی ناپۆلی بوو و لە بە تۆمارکردنی 26 گۆڵ، بووە گۆڵکاری سێریا ئەی.
