دوای بە دەستهێنانی پلەی شەشەم لەوەرزی ڕابردوو، بڕیارە ئەمڕۆ یانەی هەولێر یەکەم یەکەی مەشقی خۆی دەسپێبکات بۆ وەرزی نوێی 2023 _ 2024ـی خولی پڕۆلیگی عێڕاقی.
بە ڕاهێنەرایەتی عەباس عوبێد، ئەمڕۆ کاتژمێر 6ـی ئێوارە لە یاریگای فرانسۆهەریری یانەی هەولێر دەست بە ئامادەکاری دەکاتەوە بۆ خولی پڕۆلیگی عێڕاقی، هەولێر بۆ ئەم وەرزە گۆڕانکاری باشی لە پکهاتەکەیدا کردووە تایبەت لە یاریزانە پیشەگەرەکان بە مەبەست و ئامانجی وەرگرتنی پلەیەکی باش لە خولەکە، دوو ڕۆژ لە مەوبەریش ڕاهێنەری یانەی هەولێر خۆی پێشوازی لە هاتنی سێ یاریزانی پیشەگەری یانەکە کرد لە فڕۆکەخانەی هەولێر، یاریزانەکانیش هەریەک لە یەعقوب یونس و خەلیفەئەبوبەکر و فڕانک ئاڕهین بوون.
بڕیاریشە لە 20ـی ئەم مانگە بۆ ئەنجامدانی کەمپێکی مەشقی یانەکەی پایتەختی کوردستان سەردانی وڵاتی تورکیا بکات.
