یانەی شێروانە راهێنەرێکی نوێی ناساند

دوای جیابوونەوەی ڕاهێنەری وەرزی ڕابردوو عادل عەلی له یانەکە، ئەمڕۆ یانەی شێروانە ڕاهێنەری تازەی بۆ تیپەکە دیاریکرد.

لە کۆنگرەیەکی ڕۆژنامەوانیدا، یانەی شێروانە موحسین عەبدولکەریمی وەك ڕاهێنەری تیپی تۆپی پێی پێشکەوتووانی یانەی شێروانە ناساند بۆ وەرزی نوێی 2023 _ 2024ـی خولی نایابی کوردستان، ڕاهێنەری تازەش ئاماژەی بەوەکرد کەوا مەبەستیانە پلەیەکی باش لە خولی نایابی کوردستان بە دەست بهێنن و بۆ ئەمەش گرێبەستیان لەگەڵ چەند یاریزانێکی ئاستەبەرز واژۆکردووە و ڕەنگە لە داهاتووشدا یاریزانی تر بگوازنەوە ڕیزی یانەکە، دەستەی ڕاهێنەرانی یانەکە بریتیە لە موحسین عەبدولکەریم ڕاهێنەری یانە و موحسین مەولود یاریدەدەری ڕاهێنەر و جەبارجومعە ڕاهێنەری گۆڵپارێزان.