یاریگا-
کەناڵی TV3 ی کەتەلۆنی رایگەیاند سۆتۆ گرادۆ ناوبژیوانی بۆ هیچ یارییەکی ئەم هەفتەیەی لالیگا ناکات.
بە پێی سەرچاوەکە هۆکاری دوورخرانەوەی ئەو ناوبژیوانە، هەڵە گەورەکەی بوو کە لە یاری هەفتەی یەکەم بەرامبەر بارسێلۆنا ئەنجامیدا، کاتێک لە دوا خولەکەکاندا بەرامبەر خیتافی لێدانێکی سزای بۆ بارسێلۆنا هەژمارنەکرد، بە بیانووی ئەوەی تۆپ بەردەستی گاڤی کەوتووە.
لیژنەی تەکنیکی ناوبژیوانان لە لالیگا( CTA)، لە راپۆتی هەفتانەیاندا ئاماژەیان بەوە کردووە، سۆتۆ گرادۆ هەڵەی کردووە لەو بڕیارە و دەبوو لێدانی سزای بۆ بارسێلۆنا هەژمارکردایە، چونکە تۆپەکە بەردەستی گاڤی نەکەوت.
لە یەکەم هەفتەی لالیگادا خیتافی و بارسێلۆنا بەبێ گۆڵ یەکسان بوون.
