کڤاراتسخێلیا تووشی پێکان بوو
یاریگا –
خڤیچا کڤاراتسخێلیا لە یاری دۆستانە بەرامبەر جیرۆنا تووشی پێکان بوو و رەنگە لە چەند هەفتەی یەکەمی سێریا ئەی بەشداری نەکات.
خویچا کڤاراتسخێلیای یاریزانی باڵی جۆرجیی یانەی ناپۆلی لە چوارشەممەی رابردوو لە یارییەکی دۆستانەدا بەرامبەر جیرۆنا ئەژنۆی چەپی توشی پێکان بوو و ئەمڕۆ لەگەڵ تیپەکە مەشقی نەکرد.
کواراتسخێلیا کە وەرزی رابردوو وەک باشترین یاریزانی خولی ئیتاڵیا دەستنیشانکرابوو، دوای ئەوەی لە خولەکەکانی کۆتایی یارییەکەی بەرامبەر یانە ئیسپانییەکە تووشی پێکان بوو، لەسەر کورسی یەدەگ بینرا و ئەژنۆی چەپی بەسترابوو.
سبەی ناپۆلی بەرامبەر ئۆگسبۆرگ یاری دەکات و دەگوترێت ئەو ئەستێرە جۆرجییە لەم یارییەدا بەشداری ناکات. بێگومان لە ناپۆلی هەموو چاوەکان لەسەر یارییەکەی بەرامبەر فرۆسینۆنە دوای دوو هەفتە، ماوەتەوە بزانرێت ئایا کواراتسخێلیا دەتوانێت لە یارییەکانی هەفتەی یەکەمی خولی ئیتاڵیا باشدار بێت یان نا.
جگە لەوەش زامبۆ ئەنگیسی کامیرۆنی بەهۆی نەخۆشی ماسولکەکانییەوە مەشقی نەکرد ئامادەبوونی هەردووکیان بۆ یارییە دۆستانەکەی سبەی نادیارە.
