کانسێلۆ لەگەڵ بارسێلۆنا گەیشتە رێککەوتن
یاریگا –
جۆواو کانسێلۆی پۆرتوگالی لەگەڵ یانەی بارسێلۆنای ئیسپانی گەیشتە رێککەوتن.
رۆژنامەنووس فابریزیۆ رۆمانۆ بڵاویکردووەتەوە، بەرگریکاری یانەی مانچێستەر سیتی، جۆواو کانسێلۆ لەگەڵ یانەی بارسێلۆنە لەسەر مەرجە کەسییەکان رێککەوتووە و پەیوەندی بەو یانەیە دەکات.
هەر بەپێی زانیارییەکانی رۆمانۆ، بارسێلۆنا هێشتا لەگەڵ مانچێستەر سیتی لە گفتوگۆدایە بۆ رێککەوتن لەسەر وردەکاری گواستنەوەی بەرگریکارە پۆرتوگالییەکە بەرەو کەتەلۆنیا.
Joao Cancelo has agreed personal terms with Barça, he wants the move… and Xavi wants him since January as priority target. Talks now ongoing with Manchester City over deal structure 🔵🔴🇵🇹
Barça plan revealed on Sunday: use part of Dembélé budget to try again for Cancelo. pic.twitter.com/3L2q2T6nuF
— Fabrizio Romano (@FabrizioRomano) August 3, 2023
چاڤی هێرناندێزی راهێنەری یانەکە لە مانگی یەکەوە چاوی لە بەدەستهێنانی تواناکانی کانسێلۆی تەمەن 29 ساڵانە، بەڵام بەهۆی نەبوونی پارەی پێویست توانای یەکلایی کردنەوەی گرێبەستەکەیان نەبوو.
بەڵام بەهۆی رێککەوتنی لە ناکاوی عوسمان دیمبێلی لەگەڵ پاریس سانجێرمان و پەیوەندی کردنی بە یانە فەڕەنسییەکە، ئەگەری پەیوەندیکردنی کانسێلۆ بە بارسا زیادیکرد، یانەکە بەشێک لەو پارەیەی لە فرۆشتنی یاریزانە فەڕەنسییەکە دەستیدەکەوێت بەکاری دەهێنێت بۆ گواستنەوەی جۆواو.
