ئەهلی سعودی ئەستێرەیەكی مانچێستەر سیتی دەوێت
یاریگا –
بەرپرسانی یانەی ئەهلی سعودی ئۆفەرێكی فەرمیان ئامادە كردووە بۆ ریاز مەحرەز ئەستێرەی هەڵبژاردەی جەزائیر و یانەی مانچێستەر سیتی ئینگلیزی.
ئەهلی سعودی دەیەوێت بە هێنانی مەحرەز هێڵی هێرشبردنی یانەكەی پتەو بكات، تا بتوانێت كێبڕكێی بەدەستهێنانی نازناوەكان بكەن.
KDB ➡️ Jack Grealish ➡️ Riyad Mahrez ⚽️
The last time #ManCity faced Chelsea in the #PL:pic.twitter.com/Pt8BVYWcwF
— City Xtra (@City_Xtra) May 21, 2023
بەپێی زانیاریەكانی زە ئاتلێتیك ئەهلی ئۆفەرێكیان بە بڕی 30 ملیۆن پاوەند ئامادەكردووە بۆ بەدەستهێنانی تواناكانی ریاز مەحرەز.
یانە سعودیەكە موچەیەكی زەبەلاحی بۆ یاریزانە جەزائیریەكە داناوە و ساڵانە 25 ملیۆن پاوەند دەداتە ئەستێرەكەی سیتیزن لە ئەگەری پەیوەندیكردنی بەو یانەیەوە.
سەرەڕای ئەو ئۆفەرە گەورەیەی یانە سعودیەكە بۆ مانچێستەر سیتی بە بڕی 30 ملیۆن پاوەند، بەڵام ئیدارەی یانە ئینگلیزییەکە نایەوێت ئەو یاریزانە لەم هاوینەدا بڕوات، دەیانەوێت تا کۆتایی گرێبەستەکەی لە یانەكە بمێنێتەوە، بەو پێیەی یەکێکە لەو یاریزانانەی کە گواردیۆلا هەوڵدەدات لە ماوەی داهاتوودا پشتی پێ ببەستێت.
ئەهلی لە گواستنەوەكانی هاوینەدا هەریەك لە ئێدوارد مێندی و رۆبێرتۆ فێرمینیۆی گواستەوە ریزەكانی.
