بەرزترین بەهای یاریزانان لە خولی رۆشەنی سعودی
یاریگا –
روبن نێڤێش، ئەستێرەی هەڵبژاردەی پۆرتوگال و یانەی وۆلڤێرهامپتن پەیوەندی كرد بە ریزەكانی هیلالی سعودیەوە.
شەوی رابردوو بە شێوەیەكی فەرمی هیلال گرێبەستی نێڤێشی راگەیاند بۆ ماوەی سێ ساڵ و تا ساڵی 2026.
🎬 من معقل "الذئـاب" إلى #كبير_آسيا 💙#الهلال pic.twitter.com/lAsh8CWCfX
— نادي الهلال السعودي (@Alhilal_FC) June 23, 2023
نێڤێش بوو بە یەكەم یاریزان و پێش كریستیانۆ رۆناڵدۆ و كەریم بێنزێما كەوت لە بەهای یاریزاناندا لە خولی رۆشەنی سعودی.
لە گواستنەوەكانی زستانەی رابردوودا كریستیانۆ رۆناڵدۆ پەیوەندی بە ریزەكانی یانەی نەسڕی سعودیەوە كرد دوای هەڵوەشاندنەوەی گرێبەستەكەی لەگەڵ مانچێستەر یونایتد.
لە ماوەی رابردووشدا كەریم بێنزێما پەیوەندی بە ئیتیحادی هەمان وڵاتەوە كرد.
بە پێی ماڵپەڕی ترانسفێر ماركێت رۆبن نێڤێش یەكەم یاریزانە لە خولی رۆشەنی سعودی كە خاوەنی بەرزترین بەها بێت بە 40 ملیۆن یۆرۆ، لە پلەی دووەم كەریم بێنزێما دێت كە نرخی ئێستای لە بازاڕی گواستنەوەدا 20 ملیۆن یۆرۆیە و پاشان دۆن رۆناڵدۆ دێت بە 15 ملیۆن یۆرۆ.
بەرزترین بەهای یاریزانان لە خولی رۆشەنی سعودی:
| یاریزان | یانە | بەهای یاریزان |
| روبن نێڤێش | هیلال | 40 ملیۆن یۆرۆ |
| كەریم بێنزێما | ئیتیحاد | 25 ملیۆن یۆرۆ |
| كریستیانۆ رۆناڵدۆ | نەسڕ | 15 ملیۆن یۆرۆ |
| ئێنگۆلۆ كانتێ | ئیتیحاد | 15 ملیۆن یۆرۆ |
| ئەندرسن تالیسكا | نەسڕ | 15 ملیۆن یۆرۆ |
