خڤیچا کڤاراتسخێلیا وەکو باشترین یاریزانی لاوی چامپیۆنزلیگ دیاریکرا

یاریگا –

خڤیچا کڤاراتسخێلیا هێرشبەری لاوی جۆرجی یانەی ناپۆلی ئیتاڵیا وەکو باشترین یاریزانی لاوی ئەم وەرزەی چامپیۆنزلیگ دیاریکرا.

فەرمی ماڵپەڕی یوفا بڵاویکردەوە، خڤیچا کڤاراتسخێلیا وەک باشترین یاریزانی لاوی وەرزی 2022-2023ی خولی یانە پاڵەوانەکانی ئەوروپا هەڵبژێردرا.

هێرشبەرە تەمەن 22 ساڵانەلە لەم وەرزەی چامپیۆنزلیگ 9 یاری بۆ ناپۆلی کردووە و 2 گۆڵ و 4 ئەسیستی هەبووە، هەروەها ڕۆڵێکی دیار و بەرچاوی هەبوو لە تێپەڕاندنی تیپەکەی بۆ قۆناخی چارەکی کۆتایی و بە هاوبەشی لەگەڵ ڤیکتۆر ئۆسیمین،  یەکێک لە مەترسیدارترین دووانە هێرشبەرەکانی ئەوروپایان پێکهێنا.