ئینتەر میامی هەوڵی گواستنەوەی دیماریا دەدات
یاریگا –
یانەی ئینتەر میامی ئەمریکی هەوڵی بەدەستهێنانی تواناکانی ئەستێرەی ئەرجەنتنی، ئەنخێل دیماریا دەدات.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، یانەی ئینتەر میامی ئەمریکی دەیەوێت بە گرێبەستێکی ئازاد ئەنخێل دیماریا، بگوازێتەوە ریزەکانی یانەکەی.
هەر بەپێی قسەکانی رۆمانۆ، ویستی یاریزانەکە مانەوەیە لە ئەوروپا، یانەی بەنفیکای پۆرتوگالیش لەسەر هێڵە بۆ گواستنەوەی ناوبراو کە پێشتر یاریزانەکە لە 2007 تا 2010 بە درێسی ئەو یانەیە یاری کردووە.
Inter Miami are considering a move for Ángel Di Maria as free agent, as called by @CLMerlo — understand they are informed on conditions of the deal. 🇺🇸🇦🇷 #MLS
Europe remains the priority, Benfica are on it. Meanwhile, Inter Miami are still insisting to sign Sergio Busquets. pic.twitter.com/kSMnIzsZRp
— Fabrizio Romano (@FabrizioRomano) June 8, 2023
هێرشبەرە 35 ساڵانییەکە لە هاوینی رابردوو بە گرێبەستێکی ئازاد لە پاریس سانجێرمانەوە گواسترایەوە بۆ یوڤێنتوس، ناوبراو بە درێسی یوڤێ لە 40 یاری 8 گۆڵی کرد و 7 گۆڵیشی درووستکرد.
بەڵام بەهۆی سەرنەکەوتنی یانەکە بۆ چامپیۆنزلیگی وەرزی داهاتوو، سزادرانی تیپەکە و کەمکرانەوەی 10 خاڵ لێێ، هێرشبەرەکەی تانگۆ بڕیاریدا گرێبەستەکەی نوێنەکاتەوە و یانەکە جێبهێڵیت.
هەر بۆیە ئینتەر میامی ئەمە بە دەرفەت دەزانێت، دەیەوێت دیماریا لەگەڵ لیۆنێل مێسی هاوڕێی دێرینی بەیەک بگەیەنێت، پاش ئەوەی دوێنێ چوارشەممە بە فەرمی مێسی پەیوەندیکردنی خۆی بە یانە ئەمریکییەکە راگەیاند.
جیا لەوەش یانەکەی دەیڤد بێکهام بە چڕی هەوڵی گواستنەوەی یاریزانی پێشووی بارسێلۆنا، سێرجیۆ بۆسکێتس دەدات و دەیەوێت هەر لەم هاوینە ئەویش بە مێسی شاد بکاتەوە.
